Enska augna­blikið: 13 ára Hjör­var tók and­köf

„Þegar Steve Bruce tryggir fyrsta Premier League titilinn 10. apríl 1993. Aldrei datt manni í hug að Manchester United myndu verða nánast einráðir í þessari nýju deildarkeppni,“ segir Hjörvar sem rifjar upp leik Manchester United við Sheffield Wednesday.

Bruce skoraði bæði mörk United í 2-1 sigri sem tryggðu United titilinn, það síðara í uppbótartíma. Mikið var fagnað.

„Fagnaðarlæti Brian Kidd og Sigurður Alex voru enn eftirminnilegri en markið líklega,“ segir Hjörvar sem sá þó ekki leikinn, enda var hann ekki sýndur í beinni útsendingu hérlendis. Bæði ítalski boltinn og NBA voru vinsælli en enska deildin á þeim tíma.

„Leikurinn var ekki í beinni. Ég hef upplifað þetta í gegnum útvarp,“ segir Hjörvar sem var 13 ára gamall þegar markið var skorað og hefur séð þá Kidd og Ferguson ljóslifandi fyrir framan sig og fagnað álíka mikið á stofugólfinu í Kópavogi.

Markið og fagnaðarlæti þjálfaranna má sjá í spilaranum.

Hjörvar mun stýra Doc Zone alla laugardaga á Sýn Sport í vetur þar sem fylgst er með öllum leikjum á sama tíma. Hjörvar fær til sín góða gesti og þeir bregðast við öllu fjörinu í rauntíma.

Hér má tryggja sér áskrift að enska boltanum á Sýn Sport.