Sömdu við manninn með sex fingur á hægri hendi

Hinn 25 ára gamli Weaver var að klára háskólanám við Kentucky háskólann og spilar í varnarlínunni.

Hann er auðvitað stór og sterkur strákur eins og þeir þurfa að vera í þessari stöðu þar sem þeir þurfa að halda velli á móti stórum strákum í sóknarlínu mótherjanna.

Weaver er 195 sentimetrar á hæð og 114 kíló. Hann hljóp 40 jardana á 4,86 sekúndum og stökk 0,79 metra úr kyrrstöðu þegar nýliðanir voru mældir.

Weaver var með 21,5 leikstjórnendafellur og var fyrirliði Kentucky háskólaliðsins á þremur tímabilum.

Weaver hefur þó væntanlega eitt fram yfir alla hina leikmennina í NFL

Jú hann er með sex fingur á hægri hendi. Hann fæddist með polydactyly sem er fæðingargalli þar sem barn fæðist meiri fleiri tær eða fleiri fingur. Weaver fór ekki í aðgerð til að láta fjarlægja einn puttann heldur hélt þeim öllum sex.

Það er ekki að fullu vitað hvort hann græði eitthvað á þessu eins og hafa betra tak á mótherjanum en þetta hefur auðvitað vakið athygli á komu hans í NFL deildina.