Á fjórða tug ferða­manna látnir eftir að bát hvolfdi

Báturinn lagði í skoðunarferð síðdegis í dag um Halongflóa sem er gríðarlega fallegur og vinsæll áfangastaður ferðamanna í norðanverðu Víetnam. Báturinn heitir The Wonder Sea og ferjaði 48 farþega og fimm áhafnarmeðlimi um flóann.

Viðbragðsaðilar komu á vettvang skömmu síðar og þeim tókst að bjarga tólf manns og heimta 34 lík úr hafinu. Enn er sjö manns saknað.

Samkvæmt umfjöllun Guardian hvolfdi bátnum vegna mikils vindar. Á meðal þeirra sem hefur verið bjargað er fjórtán ára strákur. Honum var bjargað fjórum klukkustundum eftir að bátnum hvolfdi en hann var fastur í hvolfdum skrokki bátsins.

Flestir farþeganna og þar af leiðandi hinna látnu voru ferðamenn. Þeirra á meðal voru tuttugu skólabörn frá Hanoí, höguðborg Víetnam. Þjóðerni hinna látnu liggja ekki fyrir.