Segir val­kyrjur rang­nefni og vill kalla þær skjaldmeyjar

„Það fer ótrúlega mikið í taugarnar hjá mér að sjá sífellt vitnað til þeirra sem valkyrjur í fréttum og fjölmiðlum. Hver sá sem eitthvað þekkir til í norrænu goðafræðinni og íslenskum fornbókmentum veit að valkyrjur eru þær meyjar sem hafa það hlutverk að færa fallnar hetjur frá vígvellinum til Valhallar. Valkyrjur eru þær sem kyrja valinn,“ segir Haraldur og leggur til annað nafn:

„Konurnar sem stýra Íslandi í dag eru ekki að stjórna útförum fallinna hetja, heldur stýra þær landinu og mega frekar bera heitið skjaldmeyjar.“

Haraldur lýkur pistli sínum á að vitna í það sem Völuspá í Eddukvæðum segir um valkyrjur:

Sá hún valkyrjur

vítt um komnar,

görvar að ríða

til Goðþjóðar;

Skuld hélt skildi,

en Skögul önnur,

Gunnur, Hildur, Göndul

og Geirskögul.

Nú eru taldar

nönnur Herjans,

görvar að ríða

grund valkyrjur.