Wintour víkur úr ritstjórastólnum eftir 37 ár

Hin 75 ára Wintour hefur gegnt ritstjórastarfinu lengur en nokkur annar en hún mun halda áfram hjá útgáfufyrirtæki Vogue, að því er BBC greinir frá.

Hún mun halda áfram sem alþjóðlegur ritstjóri Vogue og sem yfirmaður efnissviðs hjá móðurfélaginu Conde Nast. 

Árið 2017 hlaut hún eina hæstu viðurkenningu sem hægt er að öðlast frá bresku krúnunni, nafnbótina „Dame“, fyrir framlag sitt til tísku og blaðamennsku og hún hlaut heiðursriddaraorðu frá Karli konungi fyrr á þessu ári.

Fyrr á þessu ári hafði Karl konungur spurt Önnu hvort hún myndi hætta að vinna, sem hún sagðist hafa svarað „afdráttarlaust neitandi“ að því er BBC greinir frá.