Liverpool strákurinn hetjan þegar Eng­lendingar fóru í úr­slita­leikinn

England vann þá 2-1 sigur á Hollandi í undanúrslitunum og mætir Þýskalandi í úrslitaleiknum.

Liverpool maðurinn Harvey Elliott var hetja enska liðsins í kvöld því hann skoraði bæði mörkin.

Elliott kom Englandi í 1-0 á 62. mínútu en Hollendingar jöfnuðu með marki Noah Ohio á 72. mínútu.

Elliott skoraði sigurmarkið fjórum mínútum fyrir leikslok eftir sendingu frá Hayden Hackney sem spilar með Middlesbrough.

Englendingar eiga titil að verja því þeir unnu Spán 1-0 í úrslitaleiknum fyrir tveimur árum. Harvey Elliott var líka í því liði. Þetta verður í fimmta sinn með England spilar til úrslita á EM í þessum aldursflokki.

Elliott er kominn með fjögur mörk á mótinu og er næstmarkahæstur á eftir Þjóðverjanum hávaxna Nick Woltemade.

Það er spurning hvort að þessi frammistaða fái Liverpool til að hætta við að selja Elliott eins og hefur verið mikið rætt og skrifað um í sumar.

Þýskaland vann 3-0 sigur á Frökkum í hinum úrslitaleiknum þar sem að umræddur Woltemade skoraði sitt sjötta mark á Evrópumótinu. Hitt mark þýska liðsins í fyrri hálfleik skoraði Nelson Weiper en bæði mörkin komu á fyrstu fjórtán mínútum leiksins. Brajan Gruda innsiglaði síðan sigurinn í uppbótatíma.