Körfubolti

Hilmar Smári og Ægir endur­semja við Stjörnuna

Stefán Árni Pálsson skrifar
Ægir Þór Steinarsson og Hilmar Smári Henningsson klárir í að kvitta undir pappírana.
Ægir Þór Steinarsson og Hilmar Smári Henningsson klárir í að kvitta undir pappírana. vísir/Stefán Árni

Körfuknattleiksdeild Stjörnunnar boðaði til blaðamannafundar í Ásgarði í dag. Þar var tilkynnt að Hilmar Smári Henningsson og Ægir Þór Steinarsson yrðu áfram hjá liðinu.

Tveir af bestu leikmönnum síðasta tímabils halda því kyrru fyrir í Garðabænum. 

Stjarnan varð í fyrsta sinn í sögu félagsins Íslandsmeistari í körfubolta í vor eftir fimm leikja einvígi gegn Tindastóli.

Hilmar Smári var eftirsóttur af liðum bæði hér á landi og einnig erlendis. En hann ákvað að vera áfram í Garðabænum. 

Stjarnan hefur misst Júlíus Orra Ágústsson og Kristján Fannar Ingólfsson fyrir komandi átök í Bónus-deildinni og má gera ráð fyrir einhverri breytingu á leikmannahópnum á næstu vikum. 

Bónus-deild karla Stjarnan

Mest lesið


Fleiri fréttir

Sjá meira


×

Mest lesið