Stígur Diljan ristar­brotin og missir af Evrópu­leikjunum

Frá þessu er greint á Fótbolta.net í dag þar sem segir að Stígur hafi ekki getað klárað leikinn gegn KR á mánudaginn vegna meiðslanna, eftir að hafa komið inn á sem varamaður á 82. mínútu.

Meiðslin þýða að Stígur verður frá keppni fram í miðjan ágúst og hann mun því missa af fjölda mikilvægra leikja með Víkingum, meðal annars í undankeppni Sambandsdeildar Evrópu.

Stígur missir af deildarleikjum við KA, Aftureldingu, ÍBV, Val, Fram og FH en gæti mögulega verið klár þegar Víkingar mæta Stjörnunni 10. ágúst eða ÍA 17. ágúst.

Þá missir hann af leikjunum við Malisheva frá Kósovó í 1. umferð undankeppni Sambandsdeildarinnar, 10. og 17. júlí, og ef Víkingar komast áfram missir Stígur einnig af leikjunum í 2. umferð 24. og 31. júlí, við annað hvort Vllaznia frá Albaníu eða Daugavpils frá Lettlandi. Það væri ekki nema ef að Víkingar næðu að fylgja eftir frábæru Evrópuævintýri sínu frá síðustu leiktíð og kæmust í 3. umferðina, sem spiluð er 7. og 14. ágúst, sem Stígur gæti mögulega spilað sína fyrstu Evrópuleiki í sumar.