Garnacho vill vera á­fram á Eng­landi

Hinn tvítugi Garnacho virðist ekki eiga framtíð hjá Man United eftir að fara í fýlu í kjölfar þess að hafa byrjað úrslitaleik Evrópudeildarinnar á varamannabekknum. Ruben Amorim, þjálfari Man Utd, hefur gefið út að leikmaðurinn verði seldur en hvert á eftir að koma í ljós.

Nú greinir Fabrizio Romano, félagaskiptasérfræðingurinn sjálfur, frá því að Garnacho stefni á að vera áfram á Englandi. Sem stendur hefur Chelsea helst verið nefnt til sögunnar. 

Bláliðar eru í leit að vængmanni eftir að ákveðið var að semja ekki við lánsmanninn Jadon Sancho. Sá var sendur aftur til Man United og verður án efa einnig seldur í sumar.

Vængmaðurinn Garnacho gekk í raðir Man United frá Atlético Madríd árið 2020. Hann hefur leikið 144 leiki fyrir félagið, skorað 26 mörk og gefið 22 stoðsendingar.