Ísold sótti silfur í Sví­þjóð

Ísold mætti á mótið sem ríkjandi meistari undir 18 ára en keppti í undir 20 ára flokknum í ár og var ekki langt frá því að bæta stigametið sem hún setti í fyrra.

Hún endaði mótið í öðru sæti og hlaut silfurverðlaun, með alls 5490 stig. 93 stigum frá persónulega metinu sem hún setti í fyrra.

• 100m grind | 14,64 sek. (4. sæti) | 890 stig
• Hástökk | 1,61 meter (2. sæti) | 747 stig
• Kúluvarp | 11,48 metrar (5. sæti) | 627 stig
• 200m | 24,39 sek. (2. sæti) | 893 stig
• Langstökk | 5,81 metrar (2. sæti) | 792 stig
• Spjót | 39,71 (4. sæti) | 662 stig
• 800m | 2:15,97 (1. sæti) | 879 stig
• Heildarstigafjöldi (2. sæti): 5490 stig

Enni Virjonen frá Finnlandi stóð uppi sem sigurvegari mótsins með 5842 stig. Sunniva Indahl varð í þriðja sæti með 5217 stig.

Hjálmar Vilhelm Rúnarsson, María Helga Högnadóttir og Júlía Kristín Jóhannesdóttir taka einnig þátt í mótinu fyrir Íslands hönd en hafa ekki lokið keppni enn.

Hjálmar er í þriðja sæti u18 ára sem stendur. Júlía er í tíunda sætinu og María í þrettánda sætinu í fullorðinsflokki.