Þing­lok, Íran og rök­rætt um skattastefnu

Guðríður Eldey Arnardóttir, framkvæmdastjóri Samáls, ræðir stöðu áliðnaðar á Íslandi en framleiðendur geta nú andað léttar eftir að nýr umhverfisráðherra lýsti eindregnum stuðningi við framleiðslu áls á Íslandi. En þessi iðnaður býr við óvissu á alþjóðamörkuðum, sérstaklega í tollamálum en ekki síður vegna harðnandi samkeppni við niðurgreidda framleiðslu í Kína og víðar.

Daði Már Kristófersson fjármálaráðherra og Jón Ólafur Halldórsson, nýkjörinn formaður Samtaka Atvinnulífsins rökræða skattastefnu stjórnvalda. Skattar eru of háir, nú er rétti tíminn til að staldra við og endurskoða þá að mati SA. Hvernig bregst fjármálaráðherrann sem þarf að leiðrétta hallarekstur ríkisins við þessu?

Sigmundur Davíð, Dagbjört Hákonardóttir og Bryndís Haraldsdóttir, alþingismenn, ræða þingveturinn, þinglokin og helstu málin, þar með talið bókun 35. Utanríkismál hafa verið mjög í deiglunni og ekki síst aukning útgjalda til varnarmála.

Erlingur Erlingsson, sérfræðingur í alþjóðamálum, ræðir stöðuna í stríði Ísraels og Írans. Hvert er markmið þessara þjóða með stríðsrekstri, hversu nálægt eru Íranir því að koma sér upp kjarnavopnum, munu Bandaríkin dragast beint inn í þessi átök og hver yrðu áhrifin af því?