Enski boltinn

Totten­ham leitar réttar síns eftir á­kvörðun INEOS

Runólfur Trausti Þórhallsson skrifar
Sir Jim Ratcliffe er stofnandi, eigandi og framkvæmdastjóri INEOS.
Sir Jim Ratcliffe er stofnandi, eigandi og framkvæmdastjóri INEOS. James Gill/Getty Images

Enska knattspyrnufélagið Tottenham Hotspur hefur höfðað mál gegn efnafyrirtækinu INEOS. Fyrirtækið er í eigu Sir Jim Ratcliffe, minnihlutaeiganda Manchester United.

Þannig er mál með vexti að árið 2022 gerðu fyrirtækin, INEOS og Tottenham, samning þess efnis að næstu fimm árin yrði INEOS Grenadier opinber 4x4 bíll Tottenham.

Í desember á síðasta ári ákvað INOES hins vegar að rifta samningnum. Það eru forráðamenn Tottenham allt annað en sáttir með og hafa nú ákveðið að leita réttar síns.

INEOS heldur því fram að fyrirtækið hafi verið í fullum rétti en ekki kemur fram af hverju það var ákveðið að slíta samstarfinu. Tottneham hefur ekki tjáð sig um málið.

Breska ríkisútvarpið greindi frá.

Fótbolti Bílar Enski boltinn

Mest lesið


Fleiri fréttir

Sjá meira


×

Mest lesið