Allt á suðu­punkti á Al­þingi, á­rásir í Íran og fá­gætur flygill

Fjallað verður um málið í kvöldfréttum Sýnar í kvöld. Við verðum í beinni útsendingu frá þinginu, sem ætti samkvæmt áætlun að fara í sumarfrí í dag. Á því eru hins vegar afar litlar líkur. Mál bíða afgreiðslu út úr nefndum og ákveðnir flokkar hafa verið sakaðir um málþóf.

Við segjum einnig frá víðtækum árásum Ísraelshers á Íran, og ræðum við sérfræðing í alþjóðastjórnmálum um stöðuna í Mið-Austurlöndum. Þá segjum við frá ásökunum verktaka á hendur First Water, sem segja fiskeldisfélagið skulda sér samtals milljarð króna. First Water vísar málinu til föðurhúsanna.

Fjallað verður um fágæta flygil, sem söngskóli Sigurðar Demetz sér sig tilneyddan til að selja, til þess að eiga fyrir óumflýjanlegum kostnaði. Svo sjáum við ferfættan innbrotsþjóf sem náðist á myndband, og skoðum lifnaðarhætti víkinga sem hafa komið sér fyrir á Víðistaðatúni í Hafnarfirði.

Þetta og fleira í kvöldfréttum Sýnar í opinni dagskrá á samtengdum rásum Sýnar, Vísis og Bylgjunnar á slaginu 18:30.