Fór í tvo koll­hnísa við mark­línuna en fagnaði samt sigri

Anderson er í Thurston gagnfræðisskólanum og var að keppa um fylkismeistaratitilinn í Oregon í 100 metra grindahlaupi.

Hún var þarna í undanúrslitahlaupinu.

Anderson byrjaði hlaupið frábærlega og stakk aðra keppendur af en missti jafnvægið þegar hún nálgaðist marklínuna.

Henni tókst samt að koma sér yfir marklínuna og halda sér á sinni braut. Tíminn hennar var 14,93 sekúndur.

Anderson fór nefnilega í tvo kollhnísa yfir marklínuna en forskotið hennar var það mikið í hlaupinu að hún fagnaði sigri þrátt fyrir þetta óhapp.

Það fylgir sögunni að Anderson er fyrrum fimleikakona og það kom sér sannarlega vel þegar hún missti jafnvægið á úrslitastund.

Anderson varð einnig í fjórða í 100 metra hlaupi og í þriðja sæti í langstökki.

Það má sjá þennan óvenjulega endi í Instagram færslunni hér fyrir neðan.