Fótbolti

Dag­ný, Guð­ný og Agla María koma allar inn í byrjunarliðið

Óskar Ófeigur Jónsson skrifar
Agla María Albertsdóttir er í fyrsta sinn í byrjunarliði íslenska landsliðsins í eitt og hálft ár.
Agla María Albertsdóttir er í fyrsta sinn í byrjunarliði íslenska landsliðsins í eitt og hálft ár. Getty/GERRIT VAN COLOGNE

Þorsteinn Halldórsson, þjálfari íslenska kvennalandsliðsins í fótbolta, gerir þrjár breytingar á byrjunarliði sínu fyrir leik liðsins í dag sem er á móti Frakklandi í Þjóðadeildinni.

Íslensku stelpurnar gerðu 1-1 jafntefli við Noreg í Þrándheimi á föstudaginn en vígja nýja blendigrasið á Laugardalsvellinum í þessum leik. Þetta er lokaleikur íslenska landsliðsins í Þjóðadeildinni og liðið þarf að vinna leikinn til að halda sæti sínu í A-deildinni.

Þorsteinn hefur nú tilkynnt byrjunarlið sitt.

Dagný Brynjarsdóttir, Guðný Árnadóttir og Agla María Albertsdóttir koma allar inn í byrjunarliðið en út úr liðinu fara þær Sandra María Jessen, Natasha Moraa Anasi og Hildur Antonsdóttir.

Þorsteinn skiptir þar með út einum leikmanni úr vörninni, einum leikmanni af miðjunni og einum leikmann úr framlínunni.

Þetta er fyrsti byrjunarliðsleikur Öglu Maríu síðan í desember 2023.

  • Byrjunarlið Íslands á móti Frökkum:
  • Cecilía Rán Rúnarsdóttir
  • Guðrún Arnardóttir
  • Glódís Perla Viggósdóttir
  • Ingibjörg Sigurðardóttir
  • Guðný Árnadóttir
  • Dagný Brynjarsdóttir
  • Alexandra Jóhannsdóttir
  • Karólína Lea Vilhjálmsdóttir
  • Sveindís Jane Jónsdóttir
  • Hlín Eiríksdóttir
  • Agla María Albertsdóttir
Landslið kvenna í fótbolta Þjóðadeild kvenna í fótbolta

Mest lesið


Fleiri fréttir

Sjá meira


×

Mest lesið