Sögu­legur „köngulóavefur“, troðningur á tón­leikum og stemning á degi sjó­manna

Úkraínumenn gerðu umfangsmiklar árásir á nokkra herflugvelli í Rússlandi í dag, en Úkraínuforseti segir aðgerðina sögulega. Ekkert lát er heldur á árásum Rússa í Úkraínu, en bandarískur öldungardeildarþingmaður segir ljóst að Pútín sé að spila tafaleiki í friðarviðræðum.

Seinni umferð forsetakosninganna í Póllandi fer fram í dag og stefnir í metkjörsókn. Við ræðum kosningarnar, þar sem takast á tveir frambjóðendur með gjörólíkar hugsjónir, við formann utanríkismálanefndar Alþingis í beinni útsendingu. 

Ozempic tennur og ozempic tunga eru meðal mögulegra aukaverkana sem að tannlæknar víða um heim velta fyrir sér núna sem mögulegri aukaverkun af notkun þyngdarstjórnunarlyfjanna. Rætt verður við tannlækni sem segir ekki búið að sanna orsakasamhengi milli lyfjanna og versnandi tannheilsu.

Í fréttatímanum lítum við einnig við á hátíðarhöldum í tilefni af sjómannadeginum sem var vel fagnað víða um land.

Í sportinu gerum við meðal annars upp sögulegan úrslitaleik í Meistaradeild Evrópu og tökum stöðuna í Bestu deildinni hér heima.

Kvöldfréttir Stöðvar 2 má sjá í heild sinni hér að neðan: