Aron Einar með en enginn Gylfi

Ingvi Þór Sæmundsson skrifar 16. maí 2025 13:08

Aron Einar Gunnarsson leikur með Al-Gharafa í Katar. getty/Alex Nicodim

Arnar Gunnlaugsson hefur tilkynnt hóp íslenska karlalandsliðsins í fótbolta fyrir vináttulandsleikina gegn Skotlandi og Norður-Írlandi. Aron Einar Gunnarsson er í hópnum en ekki Gylfi Þór Sigurðsson.

Aron Einar átti afar erfitt uppdráttar í leikjunum gegn Kósovó í mars og hefur lítið spilað síðustu misseri. Hann er hins vegar í landsliðshópnum að þessu sinni. Gylfi hlaut hins vegar ekki náð fyrir augum Arnars, ekki frekar en þegar hann valdi hópinn fyrir leikina gegn Kósovó.

Hörður Björgvin Magnússon er í hópnum en hann er nýkominn aftur á ferðina eftir erfið og langvarandi meiðsli. Þá er Anton Ari Einarsson, markvörður Íslandsmeistara Breiðabliks, í hópnum en hann lék síðast landsleik 2019.

Eins og við mátti búast er landsliðsfyrirliðinn Orri Steinn Óskarsson ekki í hópnum en hann er meiddur. Arnór Sigurðsson snýr hins vegar aftur í hópinn eftir að hafa misst af leikjunum gegn Kósovó.

Íslenski hópurinn

Markverðir:

Elías Rafn Ólafsson - FC Midtjylland - 6 leikir
Hákon Rafn Valdimarsson - Brentford F.C. - 19 leikir
Anton Ari Einarsson - Breiðablik - 2 leikir

Aðrir leikmenn:

Guðlaugur Victor Pálsson - Plymouth Argyle F.C. - 48 leikir, 2 mörk
Bjarki Steinn Bjarkason - Venezia FC - 5 leikir
Aron Einar Gunnarsson - Al-Gharafa - 106 leikir, 5 mörk
Sverrir Ingi Ingason - Panathinaikos F.C. - 57 leikir, 3 mörk
Daníel Leó Grétarsson - SonderjyskE - 22 leikir
Hörður Björgvin Magnússon - Panathinaikos F.C. - 49 leikir, 2 mörk
Logi Tómasson - Stromsgodset - 9 leikir, 1 mark
Mikael Egill Ellertsson - Venezia FC - 20 leikir, 1 mark
Ísak Bergmann Jóhannesson - Fortuna Düsseldorf - 33 leikir, 4 mörk
Arnór Ingvi Traustason - IFK Norrköping - 65 leikir, 6 mörk
Þórir Jóhann Helgason - U.S. Lecce - 18 leikir, 2 mörk
Stefán Teitur Þórðarson - Preston North End F.C. - 28 leikir, 1 mark
Mikael Neville Anderson - AGF - 31 leikur, 2 mörk
Jóhann Berg Guðmundsson - Al-Orobah - 99 leikir, 8 mörk
Kristian Nökkvi Hlynsson - Sparta Rotterdam - 3 leikir
Willum Þór Willumsson - Birmingham City F.C. - 16 leikir
Jón Dagur Þorsteinsson - Hertha BSC - 44 leikir, 6 mörk
Arnór Sigurðsson - Malmö FF - 34 leikir, 2 mörk
Hákon Arnar Haraldsson - LOSC Lille - 20 leikir, 3 mörk
Andri Lucas Guðjohnsen - K.A.A. Gent - 32 leikir, 8 mörk
Albert Guðmundsson - ACF Fiorentina - 39 leikir, 10 mörk

Ísland mætir Skotlandi í Glasgow 6. júní og Norður-Írlandi í Belfast fjórum dögum seinna. Þetta verða fyrstu vináttuleikir íslenska liðsins undir stjórn Arnars.

Landslið karla í fótbolta

Mest lesið

Fleiri fréttir