Rekja fjöldamorðið í Örebro til gremju byssumannsins vegna lífs síns Kjartan Kjartansson skrifar 16. maí 2025 09:40 Morðinginn kom með strætisvagni í skólann þar sem hann framdi fjöldamorðið. Sænska lögreglan birti þessa mynd úr öryggismyndavél í vagninum á blaðamannafundi í morgun. Sænska lögreglan Karlmaður á fertugsaldri sem skaut tíu manns til bana í skóla í Örebro í Svíþjóð í febrúar virðist hafa valið fórnarlömb sín af handahófi. Engar hugmyndafræðilegar eða pólitískar ástæður fundust fyrir ódæðinu en lögregla telur að maðurinn hafi viljað svipta sig lífi af vonleysi og gremju vegna persónulegra aðstæðna hans. Sænska lögreglan greindi frá niðurstöðum rannsóknar sinnar á fjöldamorðinu í Campus Risbergska-skólanum í morgun. Byssumaðurinn svipti sig lífi þegar lögreglumenn komu á vettvang og því verða engin réttarhöld í málinu. Rannsókn leiddi í ljós að maðurinn stóð einn að verki. Engar vísbendingar fundust um að byssumaðurinn hefði verið knúinn áfram af hugmyndafræði, pólitískum skoðunum eða andúð á einstaklingum eða hópum fólks. Sjö konur og þrír karlar féllu í árásinni og sex særðust til viðbótar. Lifði á bótum og féll á stærðfræðiprófi Morðinginn hét Rickard Andersson og var 35 ára gamall. Hann stundaði nám í stærðfræði við Campus Risbergska-skólann, þar sem boðið var upp á endurmenntun, á árunum 2019 til 2021 en féll á prófum og hætti sjálfur námi. Andersson lifði af opinberum bótum allt sitt fullorðnislíf og lögregla telur að hann hafi stundað nám við Risbergska til þess að reyna að fá vinnu og geta staðið á eigin fótum. Fjárhagslegt óöruggi og hafnanir hafi orðið kveikjan að ódæðinu. „Þetta skapar vaxandi gremju og vonleysi sem við sjáum að breyttist í ósk um að svipta sig lífi,“ sagði Henrik Dahlström frá sænsku lögreglunni á blaðmannafundi í morgun. Hann virðist hafa skotið fólk af handahófi en fórnarlömbin voru þverskurður af nemendum og starfsfólki skólans, að sögn lögreglu. „Ekkert við verknaðinn bendir til þess að þetta hafi verið hefndarverk sem beindist að ákveðnu fólki eða hópi fólks,“ sagði Dahlström. Hvorki sími né tölvugögn fundust Ákaflega takmarkaðar upplýsingar sem hefðu mögulega getað varpað frekara ljósi á hugarástand og hugmyndaheim Andersson, eins og leitarsaga á netinu, fundust þó. Lögreglu tókst ekki að finna síma hans sem síðast var kveikt á nokkrum dögum fyrir fjöldamorðið. Þá hafði harði diskurinn verið fjarlægður úr fartölvu og tveimur borðtölvum sem fundust við húsleit á heimili hans. „Okkar mat er að sá grunaði hafi vísvitandi valið að vera ósýnilegur, bæði í stafræna heiminum og í raunheimum. Hann bjó einn og skildi ekki eftir sig mikla slóð,“ sagði Dahlström. Lögreglubílar á vettvangi skotárásarinnar í Örebro í febrúar. Tíu manns létu lífið, auk morðingjans sjálfs og sex særðust.Vísir/EPA Þannig hafa litlar sem engar upplýsingar fundist um Andersson á netinu sem virðist hafa gætt þess að eyða öllum mögulegum sönnunargögnum fyrir árásina. Dahlström sagði lögregluna afar meðvitaða um að hana skorti mikilvæg gögn. „Það er klárt að við vildum óska þess að við hefðum getað skýrt þetta enn betur.“ Var á örvandi efnum Lögreglan telur að Andersson hafi byrjað að undirbúa skotárásina síðasta haust. Hann hafi selt eða reynt að selja eigur sínar og leitað að upplýsingum um viðhald á skotvopnum. Hann náði í gítartösku til foreldra sinna í september eða október en skildi gítarinn sjálfan eftir. Töskuna notaði hann síðar til þess að koma þremur byssum sínum inn í skólann. Í seinni hluta janúar keypti Andersson skotfæri, hnífa og reyksprengjur. Engar upplýsingar fundust um að Andersson hefði notað skotvopn sín fyrir árásinu nema þegar hann fékk byssuleyfið árið 2011. Hann virðist ekki hafa hleypt af byssu á skotæfingasvæði eða við veiðar. Byssumaðurinn kom með strætó í skólann rétt fyrir klukkan átta að morgni fjöldamorðsins. Þegar inn var komið fór hann inn á salerni þar sem hann virðist hafa haldið lengi til. Í klósettbás fundust meðal annars dósir með leifum af örvandi efnunum kókaíni og amfetamíni. Lögregla telur að hann hafi verið undir áhrifum slíkra efna þegar hann framdi ódæðið. Lögreglan segir að miðað við vopnin og skotfærin sem Andersson viðaði að sér hafi hann ætlað sér að skjóta margt fólk. Reyksprengjurnar bendi til þess að hann hafi ætlaði sér að valda glundroða til þess að valda eins miklum skaða og hann gæti og torvelda hjálparstarf. Svíþjóð Erlend sakamál Skotárás í Örebro Skotvopn Tengdar fréttir Telja Andersson hafa skotið fólk af handahófi Lögreglan í Svíþjóð segir líklegt að Rickard Andersson, sem skaut tíu til bana í Örebro í síðustu viku, hafi valið skotmörk sín af handahófi. Nokkur fórnarlambanna voru af erlendu bergi brotin en lögreglan segir ekkert benda til þess að Andersson hafi reynt sérstaklega að myrða útlendinga. 12. febrúar 2025 13:30 Myrti sjö konur og þrjá karla Lögreglan í Svíþjóð hefur borið kennsl á öll fórnarlömbin tíu í skotárásinni í Örebro í vikunni. Árásarmaðurinn notaði þrjá hálfsjálfvirka riffla við árásina og hefur ríkisstjórn Svíþjóðar opinberað ætlanir um að draga úr aðgengi að slíkum byssum. 7. febrúar 2025 16:39 Var vopnaður þremur byssum Tilefni skæðustu skotárásar Svíþjóðar liggur enn ekki fyrir. Lögreglan í Svíþjóð segir rannsókn munu taka sinn tíma en myndin sé byrjuð að skýrast. Lögregluþjónar hafa rætt við vitni og lagt hald á muni á borð við síma sem voru í eigu árásarmannsins. 6. febrúar 2025 09:52 Mest lesið Skjálfti fannst á höfuðborgarsvæðinu Innlent Finna áhugann dvína á meðan vinir berjast og deyja á vígvellinum Innlent Gufunesmálið: „Þetta átti aldrei að fara svona“ Innlent Mun funda með Pútín þó fundur með Selenskí sé hvergi í sjónmáli Erlent „Það fer enginn lífvörður út í“ Innlent Reyndi að kaupa glás af nammi og kom upp um tíu ára bankaræningja Innlent Gefur sig fram fimmtíu árum eftir bankarán í Kópavogi Innlent „Yfirgangur gyðingahataranna er algerlega óþolandi“ Innlent Demókratar setja sig í stellingar fyrir forsetaframboð Erlent Hvarf fyrir tæpum þrjátíu árum og fannst í hopandi jökli Erlent Fleiri fréttir Mun funda með Pútín þó fundur með Selenskí sé hvergi í sjónmáli Flokkurinn fyrir sjálfstætt Austur-Grænland: „Flug til Íslands allt árið!“ Demókratar setja sig í stellingar fyrir forsetaframboð Neitar að hitta Pútín án Selenskís Grönduðu flugvél frá furstadæmunum og felldu fjörutíu málaliða Geislasverð Svarthöfða til sölu Liðþjálfi skaut fimm aðra hermenn Fúlsaði við þriggja forseta fundi Segja enn og aftur brotið gegn Folbigg Gefa grænt ljós á lengstu hengibrú í heimi „Fordæmalausar hörmungar“ í Frakklandi Aðeins 1,5 prósent ræktarlands enn aðgengilegt og nýtanlegt Segist eiga fund með Pútín Styttan tekin niður eftir harðar deilur um klúran barm Fimm hermenn skotnir á herstöð Tvöfaldar tolla á Indland vegna kaupa á rússneskri olíu Stefnir í kjördæmastríð í Bandaríkjunum? Nýr forseti Póllands vill draga úr áhrifum ESB Stendur í vegi rannsóknar á milljarða svikamyllu Birtist óvænt á þaki Hvíta hússins Yfir 400.000 tilkynningar um kynferðisofbeldi Hvarf fyrir tæpum þrjátíu árum og fannst í hopandi jökli Öryggismyndavélar í svefnherberginu og fyrsta útgáfa af Lolitu á skrifstofunni Minntust fórnarlambanna í Hírósíma Hættir að fjármagna þróun mRNA bóluefna Dánarorsök Ozzy Osbourne ljós Gagnrýndur fyrir að nota gervigreind í embættisstörfum Vanræksla við hönnun, vottun, viðhald og skoðun Clinton-hjónin krafin svara vegna Epstein-málsins Hyggjast rukka suma ferðamenn um brottfarartryggingu Sjá meira
Sænska lögreglan greindi frá niðurstöðum rannsóknar sinnar á fjöldamorðinu í Campus Risbergska-skólanum í morgun. Byssumaðurinn svipti sig lífi þegar lögreglumenn komu á vettvang og því verða engin réttarhöld í málinu. Rannsókn leiddi í ljós að maðurinn stóð einn að verki. Engar vísbendingar fundust um að byssumaðurinn hefði verið knúinn áfram af hugmyndafræði, pólitískum skoðunum eða andúð á einstaklingum eða hópum fólks. Sjö konur og þrír karlar féllu í árásinni og sex særðust til viðbótar. Lifði á bótum og féll á stærðfræðiprófi Morðinginn hét Rickard Andersson og var 35 ára gamall. Hann stundaði nám í stærðfræði við Campus Risbergska-skólann, þar sem boðið var upp á endurmenntun, á árunum 2019 til 2021 en féll á prófum og hætti sjálfur námi. Andersson lifði af opinberum bótum allt sitt fullorðnislíf og lögregla telur að hann hafi stundað nám við Risbergska til þess að reyna að fá vinnu og geta staðið á eigin fótum. Fjárhagslegt óöruggi og hafnanir hafi orðið kveikjan að ódæðinu. „Þetta skapar vaxandi gremju og vonleysi sem við sjáum að breyttist í ósk um að svipta sig lífi,“ sagði Henrik Dahlström frá sænsku lögreglunni á blaðmannafundi í morgun. Hann virðist hafa skotið fólk af handahófi en fórnarlömbin voru þverskurður af nemendum og starfsfólki skólans, að sögn lögreglu. „Ekkert við verknaðinn bendir til þess að þetta hafi verið hefndarverk sem beindist að ákveðnu fólki eða hópi fólks,“ sagði Dahlström. Hvorki sími né tölvugögn fundust Ákaflega takmarkaðar upplýsingar sem hefðu mögulega getað varpað frekara ljósi á hugarástand og hugmyndaheim Andersson, eins og leitarsaga á netinu, fundust þó. Lögreglu tókst ekki að finna síma hans sem síðast var kveikt á nokkrum dögum fyrir fjöldamorðið. Þá hafði harði diskurinn verið fjarlægður úr fartölvu og tveimur borðtölvum sem fundust við húsleit á heimili hans. „Okkar mat er að sá grunaði hafi vísvitandi valið að vera ósýnilegur, bæði í stafræna heiminum og í raunheimum. Hann bjó einn og skildi ekki eftir sig mikla slóð,“ sagði Dahlström. Lögreglubílar á vettvangi skotárásarinnar í Örebro í febrúar. Tíu manns létu lífið, auk morðingjans sjálfs og sex særðust.Vísir/EPA Þannig hafa litlar sem engar upplýsingar fundist um Andersson á netinu sem virðist hafa gætt þess að eyða öllum mögulegum sönnunargögnum fyrir árásina. Dahlström sagði lögregluna afar meðvitaða um að hana skorti mikilvæg gögn. „Það er klárt að við vildum óska þess að við hefðum getað skýrt þetta enn betur.“ Var á örvandi efnum Lögreglan telur að Andersson hafi byrjað að undirbúa skotárásina síðasta haust. Hann hafi selt eða reynt að selja eigur sínar og leitað að upplýsingum um viðhald á skotvopnum. Hann náði í gítartösku til foreldra sinna í september eða október en skildi gítarinn sjálfan eftir. Töskuna notaði hann síðar til þess að koma þremur byssum sínum inn í skólann. Í seinni hluta janúar keypti Andersson skotfæri, hnífa og reyksprengjur. Engar upplýsingar fundust um að Andersson hefði notað skotvopn sín fyrir árásinu nema þegar hann fékk byssuleyfið árið 2011. Hann virðist ekki hafa hleypt af byssu á skotæfingasvæði eða við veiðar. Byssumaðurinn kom með strætó í skólann rétt fyrir klukkan átta að morgni fjöldamorðsins. Þegar inn var komið fór hann inn á salerni þar sem hann virðist hafa haldið lengi til. Í klósettbás fundust meðal annars dósir með leifum af örvandi efnunum kókaíni og amfetamíni. Lögregla telur að hann hafi verið undir áhrifum slíkra efna þegar hann framdi ódæðið. Lögreglan segir að miðað við vopnin og skotfærin sem Andersson viðaði að sér hafi hann ætlað sér að skjóta margt fólk. Reyksprengjurnar bendi til þess að hann hafi ætlaði sér að valda glundroða til þess að valda eins miklum skaða og hann gæti og torvelda hjálparstarf.
Svíþjóð Erlend sakamál Skotárás í Örebro Skotvopn Tengdar fréttir Telja Andersson hafa skotið fólk af handahófi Lögreglan í Svíþjóð segir líklegt að Rickard Andersson, sem skaut tíu til bana í Örebro í síðustu viku, hafi valið skotmörk sín af handahófi. Nokkur fórnarlambanna voru af erlendu bergi brotin en lögreglan segir ekkert benda til þess að Andersson hafi reynt sérstaklega að myrða útlendinga. 12. febrúar 2025 13:30 Myrti sjö konur og þrjá karla Lögreglan í Svíþjóð hefur borið kennsl á öll fórnarlömbin tíu í skotárásinni í Örebro í vikunni. Árásarmaðurinn notaði þrjá hálfsjálfvirka riffla við árásina og hefur ríkisstjórn Svíþjóðar opinberað ætlanir um að draga úr aðgengi að slíkum byssum. 7. febrúar 2025 16:39 Var vopnaður þremur byssum Tilefni skæðustu skotárásar Svíþjóðar liggur enn ekki fyrir. Lögreglan í Svíþjóð segir rannsókn munu taka sinn tíma en myndin sé byrjuð að skýrast. Lögregluþjónar hafa rætt við vitni og lagt hald á muni á borð við síma sem voru í eigu árásarmannsins. 6. febrúar 2025 09:52 Mest lesið Skjálfti fannst á höfuðborgarsvæðinu Innlent Finna áhugann dvína á meðan vinir berjast og deyja á vígvellinum Innlent Gufunesmálið: „Þetta átti aldrei að fara svona“ Innlent Mun funda með Pútín þó fundur með Selenskí sé hvergi í sjónmáli Erlent „Það fer enginn lífvörður út í“ Innlent Reyndi að kaupa glás af nammi og kom upp um tíu ára bankaræningja Innlent Gefur sig fram fimmtíu árum eftir bankarán í Kópavogi Innlent „Yfirgangur gyðingahataranna er algerlega óþolandi“ Innlent Demókratar setja sig í stellingar fyrir forsetaframboð Erlent Hvarf fyrir tæpum þrjátíu árum og fannst í hopandi jökli Erlent Fleiri fréttir Mun funda með Pútín þó fundur með Selenskí sé hvergi í sjónmáli Flokkurinn fyrir sjálfstætt Austur-Grænland: „Flug til Íslands allt árið!“ Demókratar setja sig í stellingar fyrir forsetaframboð Neitar að hitta Pútín án Selenskís Grönduðu flugvél frá furstadæmunum og felldu fjörutíu málaliða Geislasverð Svarthöfða til sölu Liðþjálfi skaut fimm aðra hermenn Fúlsaði við þriggja forseta fundi Segja enn og aftur brotið gegn Folbigg Gefa grænt ljós á lengstu hengibrú í heimi „Fordæmalausar hörmungar“ í Frakklandi Aðeins 1,5 prósent ræktarlands enn aðgengilegt og nýtanlegt Segist eiga fund með Pútín Styttan tekin niður eftir harðar deilur um klúran barm Fimm hermenn skotnir á herstöð Tvöfaldar tolla á Indland vegna kaupa á rússneskri olíu Stefnir í kjördæmastríð í Bandaríkjunum? Nýr forseti Póllands vill draga úr áhrifum ESB Stendur í vegi rannsóknar á milljarða svikamyllu Birtist óvænt á þaki Hvíta hússins Yfir 400.000 tilkynningar um kynferðisofbeldi Hvarf fyrir tæpum þrjátíu árum og fannst í hopandi jökli Öryggismyndavélar í svefnherberginu og fyrsta útgáfa af Lolitu á skrifstofunni Minntust fórnarlambanna í Hírósíma Hættir að fjármagna þróun mRNA bóluefna Dánarorsök Ozzy Osbourne ljós Gagnrýndur fyrir að nota gervigreind í embættisstörfum Vanræksla við hönnun, vottun, viðhald og skoðun Clinton-hjónin krafin svara vegna Epstein-málsins Hyggjast rukka suma ferðamenn um brottfarartryggingu Sjá meira
Telja Andersson hafa skotið fólk af handahófi Lögreglan í Svíþjóð segir líklegt að Rickard Andersson, sem skaut tíu til bana í Örebro í síðustu viku, hafi valið skotmörk sín af handahófi. Nokkur fórnarlambanna voru af erlendu bergi brotin en lögreglan segir ekkert benda til þess að Andersson hafi reynt sérstaklega að myrða útlendinga. 12. febrúar 2025 13:30
Myrti sjö konur og þrjá karla Lögreglan í Svíþjóð hefur borið kennsl á öll fórnarlömbin tíu í skotárásinni í Örebro í vikunni. Árásarmaðurinn notaði þrjá hálfsjálfvirka riffla við árásina og hefur ríkisstjórn Svíþjóðar opinberað ætlanir um að draga úr aðgengi að slíkum byssum. 7. febrúar 2025 16:39
Var vopnaður þremur byssum Tilefni skæðustu skotárásar Svíþjóðar liggur enn ekki fyrir. Lögreglan í Svíþjóð segir rannsókn munu taka sinn tíma en myndin sé byrjuð að skýrast. Lögregluþjónar hafa rætt við vitni og lagt hald á muni á borð við síma sem voru í eigu árásarmannsins. 6. febrúar 2025 09:52