Typpi í einu gati, tæki í öðru

Jebb, mörg pör hafa áhuga á því að prófa sig áfram með samfarir í leggöng og endaþarm á sama tíma. Á ensku er talað um double penetration en það getur einmitt verið tveir limir, limur og unaðstæki, tvö unaðstæki eða fingur sem eru sett inn í leggöng og rass. Þetta er algeng fantasía bæði meðal þeirra sem þiggja í þessum aðstæðum og þeirra sem veita. Double penetration nær reyndar líka yfir það þegar tvö typpi eða unaðstæki eru sett inn í sama gatið. En snúum okkur aftur að efninu!

Fólk tengir oft strap-on dildóa við hinsegin konur en fólk af öllum kynjum notar strap-on. Það að njóta þess að leika með tvöfalda örvun eða nota unaðstæki eins og strap-on, hefur ekkert með kynhneigð að gera. Þegar við erum að nota unaðstæki býður það upp á ansi fjölbreytta notkun; innsetning í leggöng eða endaþarm, munmök, tvöfalda örvun en einnig nota sum strap-on dildóa milli fullnæginga þar sem limurinn þarf ákveðinn tíma til að geta náð risi á ný eftir fullnægingu.

Fyrir pör sem vilja prófa sig áfram með tvöfalda örvun er ég með nokkra punkta áður en lengra er haldið:

• Byrjið á samtalinu. Ræðið fantasíuna og hvort það sé eitthvað sem þið viljið bæði/báðar/báðir prófa. Talið líka um mörk, væntingar og hvað myndi gera upplifunina örugga og spennandi fyrir ykkur bæði.
• Byrjið hægt. Það getur verið gott að prófa sig áfram með fingrunum á meðan þið eruð að átta ykkur á því hvernig þessi örvun er, bæði fyrir þann sem er að þiggja og þann sem er að veita.
• Hlustið vel á eigin líkama og líkama leikfélaga/maka. Þetta er ekki sviðsmynd úr klámi – heldur tenging ykkar á milli. Byrjið rólega, haldið samskiptum gangandi og stoppið ef eitthvað er óþægilegt.
• Veljið rétt harness. Leitið að harnessi sem er sérstaklega hannað fyrir líkamann þinn. Ef þú ert með pung þarf harnessið annaðhvort að rúma hann eða vera með op til að forðast þrýsting. Ef harnessið meiðir – þá er það ekki rétt fyrir þig.
• Notið dildó sem hentar. Þykkari og styttri dildóar henta mörgum betur fyrir svona leik, því þá hefur þú meiri stjórn á hreyfingunni og þá er minni hætta á óþægindum. Passið líka að grunnurinn passi örugglega í harnessið. Hægt er að fá dildó sem er tvöfaldur fyrir þau sem eru að leika með tvo dildóa. Einnig er gott að skoða vel efnið sem dildóinn er úr og vanda valið.
• Ekki sleppa sleipiefninu! Mikilvægt fyrir bæði leggöng og endaþarm – sérstaklega þegar örvun fer fram á tveimur stöðum í einu. Veljið gott sleipiefni sem passar við leikfangið sem verið er að nota.
• Prófið mismunandi stellingar. Það er misjafnt hvaða stelling hentar best. Sum vilja liggja á hliðinni, önnur á maganum eða bakinu. Gefið ykkur tíma til að finna hvað virkar best fyrir ykkur. Sumt er spennandi í fantasíu en erfitt í framkvæmd.
• Æfa, æfa og æfa. Við erum sjaldan mjög flink þegar við erum að gera eitthvað í fyrsta sinn. Leyfið ykkur að æfa þar til þið finnið að þið hafið náð betri tökum á dildóinum.
• Passið vel upp á hreinlæti. Það er mikilvægt að þrífa dildóinn eftir hverja notkun og harnessið regulega. Notið milda sápu og volgt vatn en einnig eru til sérstök hreinsiefni fyrir unaðstæki. Hægt er að nota smokk til að einfalda þrif en einnig er smokkur mikilvægur ef sami dildóinn fer milli gata eða ef fleiri en einn aðili er að nota hann.

Varðandi harness er ýmislegt til, bæði hérlendis og erlendis. Ef þú hefur leitað í þær unaðstækjabúðir sem eru hér á landi gæti verið að hægt að athuga hvort mögulegt sé fyrir búðirnar að auka úrvalið sitt og panta harness sem henta betur einstaklingum með typpi. Það má finna hina ýmsu framleiðendur erlendis til dæmis Spare parts og RodeoH sem bjóða upp á harness fyrir fólk með typpi.

Gangi þér vel <3