Innlent

Um­töluð frelsissvipting og stór­slösuð sjónvarpsstjarna

Hallgerður Kolbrún E. Jónsdóttir skrifar
Telma Tómasson les kvöldfréttir í kvöld.
Telma Tómasson les kvöldfréttir í kvöld.

Íslenskur karlmaður sem sætir gæsluvarðhaldi grunaður um að hafa frelsissvipt erlendan ferðamann í húsnæði á Hverfisgötunni hefur endurtekið komið við sögu lögreglu. Verjandi mannsins segja ekki forsendur fyrir gæsluvarðhaldi. Hann eigi að vista á viðeigandi stofnun en maðurinn er með þroskaskerðingu.

Fjallað verður um málið í kvöldfréttum Stöðvar 2. Viðsnúningur varð á ársreikningum Reykjavíkurborgar frá því sem var árið áður. Borgarstjóri segist bjartsýn á framhaldið en fyrrverandi borgarstjóri segist óttast að árangurinn verði horfinn undir lok árs. Borgarstjóri sé helsti aðal brennuvargurinn í fjármálum borgarinnar.

Við hittum á fréttakonu Ríkisútvarpsins sem segist þakklát snjósleðaköppum eftir að hún slasaðist illa á fæti á fjallaskíðum á jökli um páskana.

Við verðum í beinni útsendingu frá frumsýningu leikritsins Sunds í Þjóðleikhúsinu og frá alþýðutónlistarhátíð í Iðnó. 

Í íþróttafréttum heyrum við í Telmu Ívarsdóttur, sem er snúin heim í Breiðablik eftir að hafa fengið fá tækifæri hjá Rangers í Glasgow. Hún segist ekki ætla að stoppa lengi á heimavelli.

Þetta og margt fleira í kvöldfréttum Stöðvar 2 klukkan hálf sjö.

Klippa: Kvöldfréttir 2. maí 2025



Fleiri fréttir

Sjá meira


×