Sjáðu markið sem kom PSG í bíl­stjóra­sætið gegn Arsenal

Leikurinn á Emirates var aðeins fjögurra mínútna gamall þegar PSG náði forystunni. Dembélé sendi boltann út til vinstri á Khvicha Kvaratskhelia sem fann Dembélé aftur við vítateigslínuna. Hann lét vaða og boltinn endaði í netinu.

Þetta var 33. mark Dembélés fyrir PSG á tímabilinu en 25 þeirra hafa komið á þessu ári.

Bæði lið fengu tækifæri til að bæta við mörkum en allt kom fyrir ekki og lokatölur á Emirates því 0-1, PSG í vil.

PSG sló Liverpool út í sextán liða úrslitunum, Aston Villa í átta liða úrslitunum og getur nú hent þriðja enska liðinu úr keppni. Seinni leikur PSG og Arsenal fer fram á Parc des Princes eftir viku.