105 ár liðin frá „fyrsta“ Ólympíugulli Ís­lands

Ísland hefur vissulega aldrei unnið til gullverðlauna á Ólympíuleikum en lið skipað Vestur-Íslendingum vann hins vegar þetta Ólympíugull á leikunum í Belgíu í apríl 2020.

Vestur-Íslendingarnir hjálpuðu þarna Kanada þá að vinna fyrsta Ólympíumeistaratitilinn í íshokkí. Keppnin fór þá fram á sumarleikunum og er eina íshokkíkeppni sögunnar sem var ekki á vetrarólympíuleikunum.

Fálkarnir frá Winnipeg voru skipaðir leikmönnum af annarri kynslóð Vestur-Íslendinga en þeir áttu allir íslenska foreldra. Allir leikmenn liðsins voru þannig ættaðir frá Íslandi fyrir utan einn kanadískan varamann.

Þjálfari Fálkanna var síðan Íslendingurinn Guðmundur Sigurjónsson, Gordon Sigurjonsson, sem hafði farið fyrir hönd Íslands á leikana í London 2008 þar sem hann og fleiri sýndu íslenska glímu.

Þrátt fyrir að fá ekki að spila með öðrum liðum vegna ætternis síns þá gáfu þeir næstum því allir kost á sér í kanadíska herinn. Sjö af átta leikmönnum Fálkanna börðust í fyrri heimsstyrjöldinni og tveir leikmenn létust í stríðinu. Hinir snéru til baka og settu liðið aftur saman.

Lykilsigur „íslenska“ liðsins var á móti því bandaríska í undanúrslitunum en hann unnu Fálkarnir 2-0 með mörkum Frank Fredrickson og Konrad Johannesson.

Winnipeg Fálkarnir unnu annars alla leiki sína á Ólympíuleikunum þar af 12-1 sigur á Svíum í úrslitaleiknum. Mörk „íslenska“ liðsins í úrslitaleiknum skoruðu þeir Frank Fredrickson (7), Haldor Halderson (2), Chris Fridfinnson, Magnus Goodman og Robert Benson. Auk þerra voru í liðinu þeir Walter Byron (markvörður), Konrad Johannesson og Allan Woodman.

Frank Fredrickson [Sigurður Franklín Friðriksson] sem skoraði 12 mörk og Haldor Halderson [Halldór Halldórsson] sem skoraði 9 mörk voru þannig með 21 af 29 marki liðsins á leikunum í Antwerpen.bÞeir áttu báðir eftir að vinna Stanley bikarinn með liði Victoria Cougars og Frank Fredrickson er í heiðurshöllinni.

Sigurður Franklin Friðriksson, Frank Fredrickson, var fyrirliði liðsins og aðalmarkaskorari. Hann var sonur Jóns Vídalíns Friðrikssonar (1867-1922) og Guðlaugar Snjólflínu Sigurðardóttur (1861-1928).