Enski boltinn

Brady óskaði Willum, Alfonsi og fé­lögum til hamingju

Ingvi Þór Sæmundsson skrifar
Tom Brady vann Super Bowl sjö sinnum á löngum og glæstum ferli í NFL.
Tom Brady vann Super Bowl sjö sinnum á löngum og glæstum ferli í NFL. getty/Catherine Ivill

Tom Brady var í skýjunum eftir að Birmingham City tryggði sér sæti í ensku B-deildinni í gær. Tveir Íslendingar leika með liðinu.

Birmingham sigraði Peterborough United, 1-2, á útivelli í gær. Sigurinn tryggði liðinu sæti í B-deildinni. Willum Þór Willumsson lék allan leikinn fyrir Birmingham en Alfons Sampsted fyrsta klukkutímann.

Brady á hlut í Birmingham og var að sjálfsögðu ánægður í gærkvöldi. Og hann óskaði sínum mönnum til hamingju á Instagram.

„Stoltur af ykkur, strákar! Áfram svona Bláir! Höldum áfram!!!“ skrifaði alsæll Brady.

Brady var hinn kátasti eftir að B-deildarsætið var í höfn hjá Birmingham City.

Brady eignaðist 3,3 prósent hlut í Birmingham í ágúst 2023. Liðið féll úr ensku B-deildinni síðasta vor en vann sér strax aftur sæti í henni.

Willum kom til Birmingham frá Go Ahead Eagles fyrir tímabilið. Hann hefur leikið 35 deildarleiki í vetur, skorað fimm mörk og lagt upp fimm. Alfons, sem kom frá Twente, hefur leikið sextán deildarleiki á tímabilinu.

Enski boltinn NFL

Mest lesið


Fleiri fréttir

Sjá meira


×

Mest lesið