Handbolti

Al­dís Ásta spilaði upp liðsfélagana í enn einum sigrinum

Óskar Ófeigur Jónsson skrifar
Aldís Ásta Heimisdóttir og félagar í Skara hafa spilað frábærlega síðustu mánuði.
Aldís Ásta Heimisdóttir og félagar í Skara hafa spilað frábærlega síðustu mánuði. @skarahf

Aldís Ásta Heimisdóttir og félagar hennar í Skara héldu sigurgöngu sinni áfram í sænsku kvennadeildinni í handbolta í dag.

Skara vann þá átta marka sigur á nágrönnum sínum í Hallby, 36-28,

Skara var átta mörkum yfir í hálfleik, 20-12, því snemma ljóst í hvað stefndi.

Aldís Ásta skoraði sjálf tvö mörk úr þremur skotum en gaf líka sjö stoðsendingar á liðsfélaga sína. Hún var með flestar stoðsendingar í sínu liði.

Þetta var fjórði sigur Skara liðsins í röð og enn fremur tólfti sigur liðsins í síðustu þrettán deildarleikjum.

Skara er komið upp í annað sætið deildarinnar og er nú einu stigi á eftir toppliði Savehof.

Sænski handboltinn

Mest lesið


Fleiri fréttir

Sjá meira


×

Mest lesið