Víkingur stað­festir komu Gylfa

Vísir greindi frá því fyrst allra í morgun að Valur hefði ákveðið að selja Gylfa og síðan að Gylfi hefði ákveðið að semja við Víking.

Valur tók kauptilboði frá bæði Víkingi og Breiðablik. Gylfi ákvað síðan að semja við Víking.

Söluverðið er á bilinu 15-20 milljónir króna samkvæmt heimildum.

Það þarf ekki að fjölyrða mikið um hversu mikill hvalreki þetta er fyrir Víking sem er nýbúið að missa Danijel Dejan Djuric.

Gylfi Þór er 35 ára gamall og verður 36 ára í lok næsta tímabils.