24 ára írskur afreksknapi lést

O'Sullivan var aðeins 24 ára gamall og einn af upprennandi keppnisknöpum Írlands. Hestaheimurinn syrgir fráfall þessa efnilega knapa sem hafði alla burði til að ná enn lengra á sínum ferli.

Slysið varð 7. febrúar síðastliðinn og O'Sullivan hafði legið á háskólasjúkrahúsinu í Cork síðan þá.

O'Sullivan lést í gær, sunnudag, aðeins fimm dögum fyrir 25 ára afmælisdaginn sinn.

Hann var að keppa á hesti sínum Wee Charlie en féll illa á síðustu hindruninni.

Hann hafði verið í dái síðan en kvaddi þessa jörð umkringdur fjölskyldu sinni.

Hann er fyrsti írski knapinn til að deyja eftir slys í keppni síðan í ágúst 2003 þegar knapinn Kieran Kelly lést af sárum sínum.

Stærsti dagur O'Sullivan á ferlinum kom á Cheltenham hátíðinni fyrir tveimur árum þar sem hann fangaði sigri.