Jóhannes Haukur fer mikinn í Marvel stiklu

Kvikmyndin er frumsýnd hér á landi þann 13. febrúar næstkomandi. Með helstu hlutverk fara Harrison Ford, áðurnefndur Anthony Mackie, Liv Tyler og Giancarlo Esposito. Þar er fálkanum svokallaða fylgt eftir í nýju hlutverki hans sem Kapteinn Ameríka, en hann fetar þar í fótspor Steve Rogers sem hefur lagt skjöldinn á hilluna.

Samkvæmt gagnagrunni IMDB leikur Jóhannes Haukur persónuna Copperhead í myndinni. Um er að ræða illmenni en í stiklunni má sjá hann gera sitt allra besta til þess að taka í lurginn á hinum nýja Kafteini Ameríku. Þá spyr hann kafteininn meðal annars hvort hann þurfi andartak til þess að jafna sig, þar sem hann liggur á jörðinni eftir barsmíðarnar.