Sau­tján ára stúlka lést í hákarlaárás

Stúlkan var á sundi við Bribie-eyju við austurströnd Ástralíu þegar hákarl beit hana, samkvæmt frétt Ríkisútvarps Ástralíu. Nánar tiltekið var hún á Woorim-ströndinni svokölluðu en vitni segja árásina hafa gerst í grunnu vatni.

Hákarlinn mun hafa bitið hana í aðra höndina. Árásin átti sér stað um klukkan fimm að staðartíma.

Þessi strönd er sögð vinsæl meðal heimamanna og ferðamanna þar sem fólk syndir, veiðir og fer á brimbretti. Nokkuð mikið er um hákarla á þessu svæði en sjaldan svo nærri landi. Þá eru hákarlavarnir á svæðinu en ekki er vitað um hverslags hákarl er að ræða.

Þetta er þriðja hákarlaárásin undan ströndum Queensland, norðausturhluta Ástralíu, á undanförnum þremur mánuðum og önnur banvæna hákarlaárásin á innan við mánuði.

Margir urðu vitni að árásinni þar sem stúlkan var með vinum sínum.