Í tilkynningu frá Landsbjörg segir að um tíma hafi litið út fyrir að bátinn myndi reka í strand og var því aðgerðastjórn virkjuð á Akureyri.
Samkvæmt tilkynningu héldu í kjölfarið björgunarmenn frá Tindum út á tveimur björgunarþotum [e. jetski] og komu taug um borð í bátinn. Skipverji hafði þá varpað akkeri sem náði haldi í botni þannig að ekki var lengur yfirvofandi hætta á strandi. Næst var báturinn um 280 metra frá landi og ljóst að illa hefði getað farið.
Skömmu síðar kom björgunarskipið Sigurvin á vettvang og tók bátinn í tog og dró inn til hafnar á Ólafsfirði.
