Einkunnir Íslands: Innkoma Ísaks breytti leiknum Íþróttadeild Vísis skrifar 16. nóvember 2024 18:59 Ísak Bergmann Jóhannesson gulltryggði sigurinn gegn Svartfjallalandi. EPA-EFE/STRINGEr Ísland vann 2-0 ytra gegn Svartfjallalandi í næstsíðustu umferð Þjóðadeildarinnar. Skipting sem var gerð um miðjan seinni hálfleik breytti leiknum. Mikael Egill Ellertsson og Ísak Bergmann Jóhannesson stigu þá inn á völl, annar þeirra lagði síðan upp og hinn skoraði. Byrjunarlið Þrjár breytingar voru gerðar á byrjunarliðinu frá síðasta landsleik.EPA-EFE/STRINGER Hákon Rafn Valdimarsson, markvörður [8] Hákon Rafn Valdimarsson er aðalmarkvörður Íslands.Stefan Ivanovic/Pixsell/MB Media/Getty Images Flott fyrsta varsla eftir þrumuskot á rammann á upphafsmínútunum. Átti aðra frábæra vörslu, skalli á markið af stuttu færi og snögg viðbrögð. Svartfellingar skoruðu síðan úr frákastinu, markið fékk ekki að standa en hefði gert það ef Hákon hefði ekki varið fyrsta skallann. Hafði lítið að gera þess fyrir utan, en var öruggur í öllum sínum aðgerðum og úthlaupum og hélt markinu hreinu. Valgeir Lunddal Friðriksson, hægri bakvörður [7] Valgeir var á varamannabekknum í fyrstu tveimur leikjum Þjóðadeildarinnar en hefur núna byrjað þrjá í röð og virðist vera ofar í goggunarröðinni en Guðlaugur Victor Pálsson. Stefan Ivanovic/Pixsell/MB Media/Getty Images Búinn að eigna sér hægri bakvarðarstöðuna og er vel að henni kominn. Traustur varnarlega og á oft fína spretti sóknarlega þó hann sé ekki eins ógnandi og Logi hinum megin. Sverrir Ingi Ingason, miðvörður [6] Er stundum illa staðsettur, á það til að æða upp með sóknarmanni og fá boltann yfir sig. Gerðist rétt eftir að Ísland komst yfir og leiddi næstum því til jöfnunarmarks Svartfjallalands, en sem betur fer vann Guðlaugur vel undir hann og bjargaði málunum. Markið hélst hreint samt sem áður og yfir því verður ekki kvartað. Aron Einar Gunnarsson, miðvörður, spilaði of lítið til að fá einkunn Byrjaði sem miðvörður í fyrsta landsleiknum í heilt ár en þurfti að víkja af velli vegna meiðsla eftir aðeins átján mínútur. Aron hélt um aftanvert lærið og mun ólíklega getað tekið þátt gegn Wales á þriðjudaginn. Logi Tómasson, vinstri bakvörður [6] Logi Tómasson skoraði tvö eftirminnileg mörk gegn Wales í síðasta landsleikjaglugga.Stefan Ivanovic/Pixsell/MB Media/Getty Images Sótti upp vænginn og ógnaði sóknarlega. Fékk gult spjald fyrir óþarfa brot undir lok fyrri hálfleiks og verður því í banni gegn Wales á þriðjudag. Stefán Teitur Þórðarson, miðjumaður [6] Stefán Teitur var mættur aftur á miðjuna eftir að hafa tekið út bann í síðasta leik.Stefan Ivanovic/Pixsell/MB Media/Getty Images Vallaraðstæður gerðu honum erfitt fyrir, boltinn rúllaði illa og skoppaði skringilega, erfitt að keyra upp völlinn til að taka þátt í sóknarleiknum eins og hann gerir oft svo vel. Gerðist ekki sekur um mörg mistök en skapaði heldur ekkert. Var tekinn af velli á 68. mínútu fyrir Ísak Bergmann Jóhannesson. Arnór Ingvi Traustason, miðjumaður [7] Arnór Ingvi TraustasonEPA-EFE/STRINGER Þindarlaus og út um allt, endalaus vinnsla og dugnaður. Komst í hörkufæri og átti fast skot framhjá markinu eftir um hálftíma leik. Reyndi að sprengja upp í skyndisókn í upphafi seinni hálfleiks, var rifinn niður og fiskaði gult spjald á Svartfelling. Jóhann Berg Guðmundsson, hægri kantmaður [6] Jóhann byrjaði á hægri vængnum, sem er hans upprunalega staða en undanfarið hefur hann mikið verið á miðjunni.Stefan Ivanovic/Pixsell/MB Media/Getty Images Sótti mikið inn á völlinn. Fékk fínt færi rétt fyrir hálfleik en náði ekki nógu góðu skoti. Var meira úti á kanti í fyrri hálfleik en var í raun orðinn miðjumaður í seinni hálfleik. Vildi komast á boltann og stýra spilinu. Jón Dagur Þorsteinsson, vinstri kantmaður [5] Jón Dagur tók út leikbann í síðasta landsleik en mætti aftur á vinstri vænginn í dag. EPA-EFE/STRINGER Gaf frábæra stungusendingu á Orra Stein og skapaði fyrsta dauðafæri leiksins eftir um tíu mínútur. Sást afar lítið til hans eftir það. Var tekinn af velli á 68. mínútu fyrir Mikael Egil. Orri Steinn Óskarsson, framherji [8] Orri Steinn Óskarsson skoraði glæsilegt mark í síðasta landsleik gegn Tyrklandi á Laugardalsvelli. Stefan Ivanovic/Pixsell/MB Media/Getty Images Klúðraði dauðafæri eftir rétt rúmar tíu mínútur. Völlurinn ekki að hjálpa og móttakan erfið en illa farið með frábært færi, skaut fyrst í varnarmann og svo í hliðarnetið. Fékk aftur góða stöðu í upphafi seinni hálfleiks, hitti þá á markið en það var varið. Andri Lucas var í hættulegu hlaupi og hefði eflaust þegið sendingu. Það tókst þó í þriðju tilraun að koma boltanum í netið. Var vel staðsettur og kláraði færið af yfirvegun eftir flottan undirbúning. Andri Lucas Guðjohnsen, framherji [6] Andri Lucas Guðjohnsen leitar mikið niður á völlinn og er mikilvægur uppspilspunktur fyrir Ísland. Stefan Ivanovic/Pixsell/MB Media/Getty Images Fór afar lítið fyrir honum en átti flotta stoðsendingu í öðru marki Íslands. Guðlaugur Victor Pálsson [6], kom inn á fyrir Aron Einar á 18. mínútu Ekkert út á hans frammistöðu að setja. Leysti erfitt verkefni vel. Mikael Egill Ellertsson [7], kom inn á fyrir Jón Dag á 68. mínútu Frábær innkoma, gaf stoðsendingu eftir aðeins örfáar mínútur inni á vellinum. Hefði verið hægt að skjóta í fljótfærni en dempaði boltann frekar fyrir Orra sem var í betra færi. Fékk fína hlaupabraut og slapp næstum því einn í gegn í uppbótartíma en tókst ekki alveg að sleppa frá varnarmanni. Maður leiksins - Ísak Bergmann Jóhannesson [8], kom inn á fyrir Stefán Teit á 68. mínútu Ísak fagnar markinu.EPA-EFE/STRINGER Var settur inn til að glæða sóknarleik liðsins nýju lífi og gerði það stórvel. Ógnaði með hlaupum fram á við og skapaði mikla hættu. Var maðurinn sem leitað var að í fyrsta marki Íslands, þó boltinn hafi ekki ratað til hans þá. Kom sér síðan í annað frábært færi og skoraði úr því rétt áður en leiknum lauk. Gjörbreytti leiknum með sinni innkomu og er vel að valinu kominn. Willum Þór Willumsson kom inn á fyrir Orra Stein á 90. mínútu Spilaði of lítið til að fá einkunn. Þjóðadeild karla í fótbolta Landslið karla í fótbolta Mest lesið Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Gummi Ben reiður: „Hvað í andskotanum er að hjá Stjörnunni?“ Íslenski boltinn Eiginkona Gunnhildar Yrsu kvaddi með tárin í augunum Fótbolti Mætti sköllótt til baka aðeins fimm dögum eftir lyfjameðferð Handbolti „Ísland á að vera fordæmi fyrir önnur lið á EM“ Körfubolti Myndaveisla frá bardaganum við Luka Körfubolti Rauðu djöflarnir horfa til framtíðar með nýjum markverði Enski boltinn Konurnar þurfa að fara í kynjapróf fyrir HM í frjálsum en prófið er bannað Sport Klippti af sér „dreddana“ og samdi við Keflavík Körfubolti Slá hvern annan utan undir fyrir hvern leik á EM Körfubolti Fleiri fréttir Eiginkona Gunnhildar Yrsu kvaddi með tárin í augunum Gummi Ben reiður: „Hvað í andskotanum er að hjá Stjörnunni?“ Liverpool eyddi meira en öll sádi-arabíska deildin til samans Gagnrýna meðferðina á Gylfa Sig: „Mér finnst þetta vera óskiljanlegt“ Rauðu djöflarnir horfa til framtíðar með nýjum markverði Sunnudagsmessan: Fylltu í eyðurnar „Er ekki alltaf dæmt á þetta?“ Guardiola fer ótroðnar slóðir með Donnarumma milli stanganna Valsmenn án þriggja lykilmanna í leiknum mikilvæga gegn Stjörnunni Gæti spilað fyrsta landsleikinn í sjö ár Vardy til Ítalíu og spilar með barnabarnabarni Mussolini Furðu lostinn eftir fordæmalausan brottrekstur Grimsby notaði ólöglegan leikmann gegn United en slapp með sekt Forseti UEFA hrósar Íslandi en segir brýna nauðsyn að fá betri klefa Biturðin lak af tilkynningu um Isak Man. City seldi markvörð og lánaði varnarmann Sætur sigur hjá Sveindísi sem reiddist og sparkaði í skilti Pressan gríðarleg eftir eyðslu sumarsins „Sjáum af hverju hann er að reyna koma honum í liðið“ „Þær eru hræddar við hana“ Segja Römer klára tímabilið með KA Isak dýrastur í sögu ensku úrvalsdeildarinnar Guéhi ekki til Liverpool Rúnar Þór til Íslendingaliðsins Sönderjyske Enn einn Íslendingurinn til Kristianstad Birkir Bjarnason leggur skóna á hilluna Suárez hrækti á þjálfara Sjáðu stórfurðulegt viðtal við Emery: Svaraði öllum spurningum Marco Bizot Ten Hag rekinn frá Leverkusen Öll mörkin í Bestu: Allt brjálað í stórleiknum og umdeilt sigurmark FH Sjá meira
Byrjunarlið Þrjár breytingar voru gerðar á byrjunarliðinu frá síðasta landsleik.EPA-EFE/STRINGER Hákon Rafn Valdimarsson, markvörður [8] Hákon Rafn Valdimarsson er aðalmarkvörður Íslands.Stefan Ivanovic/Pixsell/MB Media/Getty Images Flott fyrsta varsla eftir þrumuskot á rammann á upphafsmínútunum. Átti aðra frábæra vörslu, skalli á markið af stuttu færi og snögg viðbrögð. Svartfellingar skoruðu síðan úr frákastinu, markið fékk ekki að standa en hefði gert það ef Hákon hefði ekki varið fyrsta skallann. Hafði lítið að gera þess fyrir utan, en var öruggur í öllum sínum aðgerðum og úthlaupum og hélt markinu hreinu. Valgeir Lunddal Friðriksson, hægri bakvörður [7] Valgeir var á varamannabekknum í fyrstu tveimur leikjum Þjóðadeildarinnar en hefur núna byrjað þrjá í röð og virðist vera ofar í goggunarröðinni en Guðlaugur Victor Pálsson. Stefan Ivanovic/Pixsell/MB Media/Getty Images Búinn að eigna sér hægri bakvarðarstöðuna og er vel að henni kominn. Traustur varnarlega og á oft fína spretti sóknarlega þó hann sé ekki eins ógnandi og Logi hinum megin. Sverrir Ingi Ingason, miðvörður [6] Er stundum illa staðsettur, á það til að æða upp með sóknarmanni og fá boltann yfir sig. Gerðist rétt eftir að Ísland komst yfir og leiddi næstum því til jöfnunarmarks Svartfjallalands, en sem betur fer vann Guðlaugur vel undir hann og bjargaði málunum. Markið hélst hreint samt sem áður og yfir því verður ekki kvartað. Aron Einar Gunnarsson, miðvörður, spilaði of lítið til að fá einkunn Byrjaði sem miðvörður í fyrsta landsleiknum í heilt ár en þurfti að víkja af velli vegna meiðsla eftir aðeins átján mínútur. Aron hélt um aftanvert lærið og mun ólíklega getað tekið þátt gegn Wales á þriðjudaginn. Logi Tómasson, vinstri bakvörður [6] Logi Tómasson skoraði tvö eftirminnileg mörk gegn Wales í síðasta landsleikjaglugga.Stefan Ivanovic/Pixsell/MB Media/Getty Images Sótti upp vænginn og ógnaði sóknarlega. Fékk gult spjald fyrir óþarfa brot undir lok fyrri hálfleiks og verður því í banni gegn Wales á þriðjudag. Stefán Teitur Þórðarson, miðjumaður [6] Stefán Teitur var mættur aftur á miðjuna eftir að hafa tekið út bann í síðasta leik.Stefan Ivanovic/Pixsell/MB Media/Getty Images Vallaraðstæður gerðu honum erfitt fyrir, boltinn rúllaði illa og skoppaði skringilega, erfitt að keyra upp völlinn til að taka þátt í sóknarleiknum eins og hann gerir oft svo vel. Gerðist ekki sekur um mörg mistök en skapaði heldur ekkert. Var tekinn af velli á 68. mínútu fyrir Ísak Bergmann Jóhannesson. Arnór Ingvi Traustason, miðjumaður [7] Arnór Ingvi TraustasonEPA-EFE/STRINGER Þindarlaus og út um allt, endalaus vinnsla og dugnaður. Komst í hörkufæri og átti fast skot framhjá markinu eftir um hálftíma leik. Reyndi að sprengja upp í skyndisókn í upphafi seinni hálfleiks, var rifinn niður og fiskaði gult spjald á Svartfelling. Jóhann Berg Guðmundsson, hægri kantmaður [6] Jóhann byrjaði á hægri vængnum, sem er hans upprunalega staða en undanfarið hefur hann mikið verið á miðjunni.Stefan Ivanovic/Pixsell/MB Media/Getty Images Sótti mikið inn á völlinn. Fékk fínt færi rétt fyrir hálfleik en náði ekki nógu góðu skoti. Var meira úti á kanti í fyrri hálfleik en var í raun orðinn miðjumaður í seinni hálfleik. Vildi komast á boltann og stýra spilinu. Jón Dagur Þorsteinsson, vinstri kantmaður [5] Jón Dagur tók út leikbann í síðasta landsleik en mætti aftur á vinstri vænginn í dag. EPA-EFE/STRINGER Gaf frábæra stungusendingu á Orra Stein og skapaði fyrsta dauðafæri leiksins eftir um tíu mínútur. Sást afar lítið til hans eftir það. Var tekinn af velli á 68. mínútu fyrir Mikael Egil. Orri Steinn Óskarsson, framherji [8] Orri Steinn Óskarsson skoraði glæsilegt mark í síðasta landsleik gegn Tyrklandi á Laugardalsvelli. Stefan Ivanovic/Pixsell/MB Media/Getty Images Klúðraði dauðafæri eftir rétt rúmar tíu mínútur. Völlurinn ekki að hjálpa og móttakan erfið en illa farið með frábært færi, skaut fyrst í varnarmann og svo í hliðarnetið. Fékk aftur góða stöðu í upphafi seinni hálfleiks, hitti þá á markið en það var varið. Andri Lucas var í hættulegu hlaupi og hefði eflaust þegið sendingu. Það tókst þó í þriðju tilraun að koma boltanum í netið. Var vel staðsettur og kláraði færið af yfirvegun eftir flottan undirbúning. Andri Lucas Guðjohnsen, framherji [6] Andri Lucas Guðjohnsen leitar mikið niður á völlinn og er mikilvægur uppspilspunktur fyrir Ísland. Stefan Ivanovic/Pixsell/MB Media/Getty Images Fór afar lítið fyrir honum en átti flotta stoðsendingu í öðru marki Íslands. Guðlaugur Victor Pálsson [6], kom inn á fyrir Aron Einar á 18. mínútu Ekkert út á hans frammistöðu að setja. Leysti erfitt verkefni vel. Mikael Egill Ellertsson [7], kom inn á fyrir Jón Dag á 68. mínútu Frábær innkoma, gaf stoðsendingu eftir aðeins örfáar mínútur inni á vellinum. Hefði verið hægt að skjóta í fljótfærni en dempaði boltann frekar fyrir Orra sem var í betra færi. Fékk fína hlaupabraut og slapp næstum því einn í gegn í uppbótartíma en tókst ekki alveg að sleppa frá varnarmanni. Maður leiksins - Ísak Bergmann Jóhannesson [8], kom inn á fyrir Stefán Teit á 68. mínútu Ísak fagnar markinu.EPA-EFE/STRINGER Var settur inn til að glæða sóknarleik liðsins nýju lífi og gerði það stórvel. Ógnaði með hlaupum fram á við og skapaði mikla hættu. Var maðurinn sem leitað var að í fyrsta marki Íslands, þó boltinn hafi ekki ratað til hans þá. Kom sér síðan í annað frábært færi og skoraði úr því rétt áður en leiknum lauk. Gjörbreytti leiknum með sinni innkomu og er vel að valinu kominn. Willum Þór Willumsson kom inn á fyrir Orra Stein á 90. mínútu Spilaði of lítið til að fá einkunn.
Þjóðadeild karla í fótbolta Landslið karla í fótbolta Mest lesið Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Gummi Ben reiður: „Hvað í andskotanum er að hjá Stjörnunni?“ Íslenski boltinn Eiginkona Gunnhildar Yrsu kvaddi með tárin í augunum Fótbolti Mætti sköllótt til baka aðeins fimm dögum eftir lyfjameðferð Handbolti „Ísland á að vera fordæmi fyrir önnur lið á EM“ Körfubolti Myndaveisla frá bardaganum við Luka Körfubolti Rauðu djöflarnir horfa til framtíðar með nýjum markverði Enski boltinn Konurnar þurfa að fara í kynjapróf fyrir HM í frjálsum en prófið er bannað Sport Klippti af sér „dreddana“ og samdi við Keflavík Körfubolti Slá hvern annan utan undir fyrir hvern leik á EM Körfubolti Fleiri fréttir Eiginkona Gunnhildar Yrsu kvaddi með tárin í augunum Gummi Ben reiður: „Hvað í andskotanum er að hjá Stjörnunni?“ Liverpool eyddi meira en öll sádi-arabíska deildin til samans Gagnrýna meðferðina á Gylfa Sig: „Mér finnst þetta vera óskiljanlegt“ Rauðu djöflarnir horfa til framtíðar með nýjum markverði Sunnudagsmessan: Fylltu í eyðurnar „Er ekki alltaf dæmt á þetta?“ Guardiola fer ótroðnar slóðir með Donnarumma milli stanganna Valsmenn án þriggja lykilmanna í leiknum mikilvæga gegn Stjörnunni Gæti spilað fyrsta landsleikinn í sjö ár Vardy til Ítalíu og spilar með barnabarnabarni Mussolini Furðu lostinn eftir fordæmalausan brottrekstur Grimsby notaði ólöglegan leikmann gegn United en slapp með sekt Forseti UEFA hrósar Íslandi en segir brýna nauðsyn að fá betri klefa Biturðin lak af tilkynningu um Isak Man. City seldi markvörð og lánaði varnarmann Sætur sigur hjá Sveindísi sem reiddist og sparkaði í skilti Pressan gríðarleg eftir eyðslu sumarsins „Sjáum af hverju hann er að reyna koma honum í liðið“ „Þær eru hræddar við hana“ Segja Römer klára tímabilið með KA Isak dýrastur í sögu ensku úrvalsdeildarinnar Guéhi ekki til Liverpool Rúnar Þór til Íslendingaliðsins Sönderjyske Enn einn Íslendingurinn til Kristianstad Birkir Bjarnason leggur skóna á hilluna Suárez hrækti á þjálfara Sjáðu stórfurðulegt viðtal við Emery: Svaraði öllum spurningum Marco Bizot Ten Hag rekinn frá Leverkusen Öll mörkin í Bestu: Allt brjálað í stórleiknum og umdeilt sigurmark FH Sjá meira