Handbolti

Guð­jón Valur án Ís­lendinga en á­fram í bikarnum

Óskar Ófeigur Jónsson skrifar
Guðjón Valur Sigurðsson er að gera góða hluti með Gummersbach.
Guðjón Valur Sigurðsson er að gera góða hluti með Gummersbach. Getty/Tom Weller

Guðjón Valur Sigurðsson stýrði Gummersbach áfram í átta liða úrslit þýsku bikarkeppninnar í handbolta í kvöld.

Gummersbach vann þá fimm marka heimasigur á Bergischer, 29-24 í sextán liða úrslitunum. Arnór Þór Gunnarsson er aðstoðarþjálfari hjá Bergischer.

Guðjón Valur var í kvöld án íslensku leikmannanna Elliða Snæs Viðarssonar og Teits Arnar Einarssonar sem eru meiddir. Það kom ekki að sök.

Markahæstur hjá Gummersbach var Miro Schluroff með sjö mörk og Julian Köster skoraði fimm mörk.

Tjörvi Týr Gislason var eini Íslendingurinn á vellinum í kvöld og hann skoraði eitt mark fyrir Bergischer.

Þýski handboltinn

Mest lesið


Fleiri fréttir

Sjá meira


×

Mest lesið