Íslenski boltinn

Bretti í Víkinni máluð græn og Víkingar ætla að kæra Blika

Ingvi Þór Sæmundsson skrifar
Hluti brettanna sem var búið að mála græn.
Hluti brettanna sem var búið að mála græn. vísir/halli

Stuðningsmenn Breiðabliks fóru inn á Víkingsvöll í nótt og máluðu hluta af brettunum sem eru notuð til að mynda áhorfendaaðstöðu græn. Tjón eiganda brettanna er mikið. Víkingur og Breiðablik mætast í úrslitaleik Bestu deildar karla í kvöld.

Samkvæmt frétt Fótbolta.net voru 250-300 bretti skemmd í nótt. Tjón eiganda brettanna er talið hlaupa á einni og hálfri milljón króna.

Fótbolti.net greinir frá því að Víkingar ætli að kæra skemmdarverkin til KSÍ og krefjast þess að Blikar beri kostnaðinn af þeim. Skemmdarverkin náðust á myndbandsupptöku.

Eigandi brettanna ætlaði að koma í Víkina eftir hádegið. Eftir það átti svo að taka ákvörðun hvort málið yrði kært til lögreglu.

Sjálfboðaliðar færa brettin.vísir/halli

Víkingar settu upp tvö þúsund bretti fyrir leikinn til að koma fólki fyrir. Alls verða 2.500 manns á leiknum í Víkinni í kvöld, þar 1.100 í stúkunni. Tvö hundruð og fimmtíu Blikar fengu miða en þeir verða fyrir aftan annað markið, algjörlega aðskildir frá stuðningsmönnum Víkinga.

Víkingur og Breiðablik eru jöfn að stigum á toppi Bestu deildarinnar en Víkingar eru með hagstæðari markatölu og dugir því jafntefli í kvöld til að verða meistarar.

Leikur Víkings og Breiðabliks fer fram á Víkingsvelli klukkan 18:30 í dag og verður sýndur beint á Stöð 2 Sport. Upphitun fyrir leikinn hefst klukkan 17:45. Eftir leikinn verður Besta deild karla svo gerð upp í lokaþætti Stúkunnar.

Besta deild karla Víkingur Reykjavík Breiðablik

Tengdar fréttir

„Feginn að okkur dugir ekki jafntefli“

Halldór Árnason, þjálfari Breiðabliks, segir að góður andi hafi ríkt innan raða Breiðabliks í aðdraganda úrslitaleiksins gegn Víkingi í kvöld. Blikar þurfa að vinna leikinn til að verða meistarar og hann segir að það henti liðinu mun betur en að verja jafntefli.

„Vona að þessi leikur verði epískur“

Arnar Gunnlaugsson, þjálfari Víkings, vonast til að úrslitaleikurinn gegn Breiðabliki um Íslandsmeistaratitilinn verði eftirminnilegur. Hann telur að Evrópuleikurinn gegn Cercle Brugge muni ekki sitja í hans mönnum í kvöld.

Stúku­menn svara stóru spurningunum fyrir úr­slita­leikinn

Víkingur og Breiðablik mætast í úrslitaleik um Íslandsmeistaratitilinn í Víkinni í kvöld. Af því tilefni fékk Vísir sérfræðinga Stúkunnar, Albert Ingason, Baldur Sigurðsson, Atla Viðar Björnsson og Lárus Orra Sigurðsson, til að svara fimm spurningum um leikinn stóra.

Svona voru hinir úrslitaleikirnir um titilinn

Öll augu verða á Víkinni í kvöld þegar Víkingur og Breiðablik mætast í úrslitaleik um Íslandsmeistaratitilinn í Bestu deild karla. Þetta er í fimmta sinn á síðustu 28 árum sem lið mætast í úrslitaleik um Íslandsmeistaratitilinn. Til að stytta biðina fram að leiknum í Víkinni rifjar Vísir upp hina fjóra úrslitaleikina.

Vilhjálmur Alvar dæmir úrslitaleikinn

Víkingur og Breiðablik mætast í úrslitaleik um Íslandsmeistaratitilinn annað kvöld. Vilhjálmur Alvar Þórarinsson mun dæma leikinn í Víkinni.

„Undir niðri kraumar bullandi rígur“

Gríðarleg eftirvænting ríkir vegna úrslitaleiks Víkings og Breiðabliks um Íslandsmeistaratitilinn í fótbolta. Liðin hafa marga hildi háð í baráttunni um titilinn síðustu ár, með tilheyrandi ríg á milli allra sem að þeim koma.

Sjö stjörnur yfirgefa sviðið um helgina

Sjö stór nöfn í íslenska fótboltanum yfirgefa sviðið í Bestu deild karla í fótbolta þegar lokaumferðin í deildinni fer fram um helgina. Að neðan er stiklað á stóru yfir feril þessara sjö merkismanna.

Mest lesið


Fleiri fréttir

Sjá meira


×

Mest lesið