Íslenski boltinn

Sjáðu pepp­mynd­bandið fyrir svaka­legt upp­gjör Víkings og Breiða­bliks

Sindri Sverrisson skrifar
Það er ávísun á góða skemmtun og hörð átök þegar Víkingur og Breiðablik mætast.
Það er ávísun á góða skemmtun og hörð átök þegar Víkingur og Breiðablik mætast. vísir/Diego

Það hefur andað köldu á milli Víkings og Breiðabliks síðustu ár, enda liðin í harðri samkeppni, og á sunnudaginn er komið að uppgjöri þegar liðin spila um sjálfan Íslandsmeistaratitilinn í fótbolta karla.

Stöð 2 Sport sýnir að sjálfsögðu leikinn í afar veglegri útsendingu á sunnudag þar sem upphitun hefst klukkan 17:45, eða 45 mínútum fyrir leik.

Sérstakt upphitunarmyndband úr smiðju stöðvarinnar má sjá hér að neðan, þar sem sjá má brot úr eftirminnilegum og hörðum rimmum liðanna á síðustu árum. Það var Samúel Ari Halldórsson sem setti saman.

Víkingur er ríkjandi Íslandsmeistari, Breiðablik vann titilinn í annað sinn í sögu félagsins árið 2022 og Víkingur vann titilinn árið 2021, eftir þrjátíu ára bið.

Liðin eru jöfn að stigum eftir 26 umferðir í Bestu deildinni en Víkingar eru með betri markatölu og dugar því jafntefli á sunnudaginn til að landa titlinum.

Leikurinn á sunnudaginn kemur, 27. október, er í beinni útsendingu Stöðvar 2 Sport. Útsending hefst klukkan 17:45 og leikurinn klukkan 18:30. Stúkan gerir svo leikinn og tímabilið upp kl. 21:15.

Besta deild karla Breiðablik Víkingur Reykjavík

Mest lesið


Fleiri fréttir

Sjá meira


×

Mest lesið