Innlent

Hag­stofan biðst vel­virðingar og tekur talna­efnið úr birtingu

Lovísa Arnardóttir skrifar
Bjarni Benediktsson er forsætisráðherra og formaður Sjálfstæðisflokksins. Hann fjallaði um málið í færslu á Facebook-síðu sinni í dag. 
Bjarni Benediktsson er forsætisráðherra og formaður Sjálfstæðisflokksins. Hann fjallaði um málið í færslu á Facebook-síðu sinni í dag.  Vísir/Vilhelm

Hagstofa Íslands hefur tekið úr birtingu talnaefni um fjölda starfandi eftir rekstarformi eftir að kom í ljós að opinberar hagtölur um fjölda starfandi ríkisstarfsmanna voru ofmetnar. Gögnin voru unnin fyrir forsætisráðuneytið. Bjarni Benediktsson forsætisráðherra sagði í dag slíkar villur hið versta mál.

Hagstofan segir í tilkynningu að þeir einstaklingar sem voru í fæðingarorlofi frá vinnu hafi verið skilgreindir sem starfsfólk ríkisstofanna í stað þess að vera skilgreindir í því rekstrarformi sem þeir unnu í áður en þeir fóru í fæðingarorlof. Eftir að Hagstofan komst að því að fjöldinn væri ofmetinn fór af stað vinna við að lagfæra talnaefnið.

Tekið er fram að talnaefnið nái eingöngu til fjölda starfandi eftir rekstrarformum en ekki annars talnaefnis svo sem eftir atvinnugreinum. Fyrir vikið hefur talnaefnið verið tekið úr birtingu tímabundið á meðan unnið er að leiðréttingu.

„Hagstofan biðst velvirðingar á þeim óþægindum sem þetta hefur valdið,“ segir að lokum.

Ríkisstjórn Bjarna Benediktssonar Fæðingarorlof Rekstur hins opinbera Vinnumarkaður

Mest lesið


Fleiri fréttir

Sjá meira


×

Mest lesið