Handbolti

Ólafur með fjögur mörk í fyrsta sigri Karlskrona

Aron Guðmundsson skrifar
Ólafur Guðmundsson er leikmaður Karlskrona
Ólafur Guðmundsson er leikmaður Karlskrona VÍSIR/VILHELM

Ólafur Guðmundsson skoraði fjögur mörk þegar að lið hans Karlskrona vann sjö marka sigur á IFK Skövde, 28-21,  í 2.umferð sænsku úrvalsdeildarinnar í handbolta í kvöld. 

Ólafur var þar með næst markahæsti leikmaður Karlskrona í leiknum á eftir hinum 25 ára gamla 3 Filip Psajd sem fór á kostum í leiknum og skoraði sex mörk í sex skotum. 

Þeir Þorgils Jón Svövu Baldursson og Dagur Sverrir Kristjánsson eru einnig á mála hjá Karlskrona og komu við sögu í leik kvöldsins sem er fyrsti sigurleikur Karlskrona í deildinni á tímabilinu en í fyrstu umferð hafði liðið gert jafntefli Amo HK.

Næsti leikur Karlskrona verður á útivelli gegn Malmö á þriðjudaginn í næstu viku.

Sænski handboltinn Handbolti

Mest lesið


Fleiri fréttir

Sjá meira


×

Mest lesið