Kynna niðurstöður Sjálfbærniássins Árni Sæberg skrifar 4. september 2024 08:48 Viðurkenningar eru veittar í Opna háskólanum. Anton Brink Niðurstöður Sjálfbærniássins 2024 verða kynntar þann 4. september kl. 9.15 í Opna háskólanum í Háskólanum í Reykjavík og fyrirtækjum sem skara fram úr veitt viðurkenning. Sjálfbærniásinn er nýr mælikvarði til að meta viðhorf almennings til frammistöðu íslenskra fyrirtækja og stofnana í sjálfbærni. Í fréttatilkynningu um viðburðinn segir að mælingin sé svar við aukinni kröfu frá viðskiptavinum og öðrum hagaðilum á fyrirtæki að leggja áherslu á sjálfbærni. Að verkefninu standi Prósent, Langbrók og Stjórnvísi. Beina útsendingu frá kynningunni má sjá í spilaranum hér að neðan: Markmið Sjálfbærniássins: Að veita hlutlausar og samanburðarhæfar upplýsingar um viðhorf almennings til þess hvernig íslensk fyrirtæki standa sig í sjálfbærnimálum. Að hvetja íslensk fyrirtæki til að leggja enn meiri áherslu á sjálfbærni. Að hjálpa fyrirtækjum að skilja mikilvægi þess að upplýsa almenning um að stefnu sína og verkefni sem snúa að sjálfbærni og samfélagslegri ábyrgð. Að auka vitund neytenda um mikilvægi sjálfbærni og hvernig þeir geta haft áhrif með kauphegðun sinni. Að vera íslenskum fyrirtækjum hvatning til að leggja enn frekari áherslu á þessi mál. Á fimmta tug fyrirtækja mæld Í tilkynningu segir að rannsóknin hafi verið framkvæmd af rannsóknarfyrirtækinu Prósenti. Framkvæmdatími hafi verið frá janúar til ágúst 2024 og um hafi verið að ræða netkannanir sem voru sendar á handahófskennt úrtak úr könnunarhópi Prósents, sem inniheldur 15.000 Íslendinga, 18 ára og eldri. Könnunin samanstandi af sex spurningum sem kanni viðhorf neytenda til frammistöðu fyrirtækja í sjálfbærnimálum. Spurningarnar snúi meðal annars að því hvort fyrirtæki leggi sitt af mörkum til samfélagsins, hvort þau hugi að velferð viðskiptavina og hvort þau leitist við að lágmarka sóun. Í ár hafi 47 fyrirtæki verið mæld, sem starfa á fjórtán mismunandi mörkuðum. Á meðal þeirra markaða sem voru mældir séu fjarskipti, bankar, tryggingar, orkufyrirtæki og matvöruverslanir. Sérstakar viðurkenningar í boði Þá segir að viðurkenningar verði veittar á hverjum markaði fyrir sig auk þess sem fyrirtæki sem mælast með afbragðsgóða einkunn fái sérstaka viðurkenningu. Fyrirtæki sem fá viðurkenningu muni fá tækifæri til að nota merki Sjálfbærniássins í markaðsstarfi sínu, sem undirstriki frammistöðu þeirra í sjálfbærni að mati almennings. Vinningshöfum verði þannig veittur heiður sem geti styrkt orðspor og ímynd fyrirtækisins. „Við hjá Stjórnvísi höfum mikla trú á að Sjálfbærniásinn ýti undir jákvæða þróun í íslensku atvinnulífi og skapi sér sess sem mikilvæg viðurkenning til þeirra vinnustaða sem leggja áherslu á sjálfbærni og virkt framlag í baráttunni gegn loftslagsvánni. Við göngum því til þátttöku í þessu frumkvöðlaverkefni okkar góðu samstarfsaðila með mikilli tilhlökkun,“ er haft eftir Gunnhildi Arnardóttur, framkvæmdastjóra Stjórnvísi. „Við höfum lagt mikla vinnu í að þróa Sjálfbærniásinn með því að styðjast við mælikvarða sem hafa verið notaðir á alþjóðlegum mörkuðum. Leit okkar að besta mælikvarðanum tók um ár og í ár voru skoðuð 47 fyrirtæki á 14 mörkuðum. Mælingin sýnir skýra mynd af viðhorfi fólks til þeirra fyrirtækja sem eru mæld og við vonum að niðurstöðurnar verði hvatning til fyrirtækja að vanda enn frekar til verka í þessum málum og miðla upplýsingum um samfélagslega ábyrgð sína,“ er haft eftir Trausta Heiðari Haraldssyni, framkvæmdastjóra Prósents. Öll velkomin í tilkynningu segir að kynningin fari fram í Opna háskólanum í Háskólanum í Reykjavík. Öll sem hafi áhuga á sjálfbærnimálum og samfélagslegri ábyrgð fyrirtækja séu hvött til að mæta og kynna sér þetta nýja mælitæki sem geti haft mikil áhrif á íslenskt atvinnulíf. Í haust muni Opni háskólinn setja upp Sjálfbærniskólann í samstarfi við Festu. „Sjálfbærniásinn er mikilvægt skref í átt að aukinni sjálfbærni í íslensku samfélagi og hvetur fyrirtæki til að standa sig enn betur í þessum mikilvægu málum.“ Sjálfbærni Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Samið um lok umfangsmikils verkfalls hafnarverkamanna Viðskipti erlent „En það hefur líka margt fallegt komið út úr þessu“ Atvinnulíf Vaxtalækkun hænuskref í rétta átt en ekki megi gleyma nýlegum hækkunum Neytendur Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira
Í fréttatilkynningu um viðburðinn segir að mælingin sé svar við aukinni kröfu frá viðskiptavinum og öðrum hagaðilum á fyrirtæki að leggja áherslu á sjálfbærni. Að verkefninu standi Prósent, Langbrók og Stjórnvísi. Beina útsendingu frá kynningunni má sjá í spilaranum hér að neðan: Markmið Sjálfbærniássins: Að veita hlutlausar og samanburðarhæfar upplýsingar um viðhorf almennings til þess hvernig íslensk fyrirtæki standa sig í sjálfbærnimálum. Að hvetja íslensk fyrirtæki til að leggja enn meiri áherslu á sjálfbærni. Að hjálpa fyrirtækjum að skilja mikilvægi þess að upplýsa almenning um að stefnu sína og verkefni sem snúa að sjálfbærni og samfélagslegri ábyrgð. Að auka vitund neytenda um mikilvægi sjálfbærni og hvernig þeir geta haft áhrif með kauphegðun sinni. Að vera íslenskum fyrirtækjum hvatning til að leggja enn frekari áherslu á þessi mál. Á fimmta tug fyrirtækja mæld Í tilkynningu segir að rannsóknin hafi verið framkvæmd af rannsóknarfyrirtækinu Prósenti. Framkvæmdatími hafi verið frá janúar til ágúst 2024 og um hafi verið að ræða netkannanir sem voru sendar á handahófskennt úrtak úr könnunarhópi Prósents, sem inniheldur 15.000 Íslendinga, 18 ára og eldri. Könnunin samanstandi af sex spurningum sem kanni viðhorf neytenda til frammistöðu fyrirtækja í sjálfbærnimálum. Spurningarnar snúi meðal annars að því hvort fyrirtæki leggi sitt af mörkum til samfélagsins, hvort þau hugi að velferð viðskiptavina og hvort þau leitist við að lágmarka sóun. Í ár hafi 47 fyrirtæki verið mæld, sem starfa á fjórtán mismunandi mörkuðum. Á meðal þeirra markaða sem voru mældir séu fjarskipti, bankar, tryggingar, orkufyrirtæki og matvöruverslanir. Sérstakar viðurkenningar í boði Þá segir að viðurkenningar verði veittar á hverjum markaði fyrir sig auk þess sem fyrirtæki sem mælast með afbragðsgóða einkunn fái sérstaka viðurkenningu. Fyrirtæki sem fá viðurkenningu muni fá tækifæri til að nota merki Sjálfbærniássins í markaðsstarfi sínu, sem undirstriki frammistöðu þeirra í sjálfbærni að mati almennings. Vinningshöfum verði þannig veittur heiður sem geti styrkt orðspor og ímynd fyrirtækisins. „Við hjá Stjórnvísi höfum mikla trú á að Sjálfbærniásinn ýti undir jákvæða þróun í íslensku atvinnulífi og skapi sér sess sem mikilvæg viðurkenning til þeirra vinnustaða sem leggja áherslu á sjálfbærni og virkt framlag í baráttunni gegn loftslagsvánni. Við göngum því til þátttöku í þessu frumkvöðlaverkefni okkar góðu samstarfsaðila með mikilli tilhlökkun,“ er haft eftir Gunnhildi Arnardóttur, framkvæmdastjóra Stjórnvísi. „Við höfum lagt mikla vinnu í að þróa Sjálfbærniásinn með því að styðjast við mælikvarða sem hafa verið notaðir á alþjóðlegum mörkuðum. Leit okkar að besta mælikvarðanum tók um ár og í ár voru skoðuð 47 fyrirtæki á 14 mörkuðum. Mælingin sýnir skýra mynd af viðhorfi fólks til þeirra fyrirtækja sem eru mæld og við vonum að niðurstöðurnar verði hvatning til fyrirtækja að vanda enn frekar til verka í þessum málum og miðla upplýsingum um samfélagslega ábyrgð sína,“ er haft eftir Trausta Heiðari Haraldssyni, framkvæmdastjóra Prósents. Öll velkomin í tilkynningu segir að kynningin fari fram í Opna háskólanum í Háskólanum í Reykjavík. Öll sem hafi áhuga á sjálfbærnimálum og samfélagslegri ábyrgð fyrirtækja séu hvött til að mæta og kynna sér þetta nýja mælitæki sem geti haft mikil áhrif á íslenskt atvinnulíf. Í haust muni Opni háskólinn setja upp Sjálfbærniskólann í samstarfi við Festu. „Sjálfbærniásinn er mikilvægt skref í átt að aukinni sjálfbærni í íslensku samfélagi og hvetur fyrirtæki til að standa sig enn betur í þessum mikilvægu málum.“
Sjálfbærni Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Samið um lok umfangsmikils verkfalls hafnarverkamanna Viðskipti erlent „En það hefur líka margt fallegt komið út úr þessu“ Atvinnulíf Vaxtalækkun hænuskref í rétta átt en ekki megi gleyma nýlegum hækkunum Neytendur Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira