Sonja hristi af sér flensuna og komst í úr­slit

Sonja, sem keppir í flokki S3, er þar með þriðji íslenski keppandinn sem kemst í úrslit í sundinu á Ólympíumóti fatlaðra í ár en úrslitin fara fram klukkan rúmlega fjögur í dag.

Sonja glímdi við kvefpest við upphaf leikanna og varð af þeim sökum að hætta við að vera fánaberi á setningarathöfninni.

Hún hefur hins vegar hrist veikindin nægilega vel af sér til þess að komast í úrslit, með því að synda á 1:10,65 mínútu í dag.

Sonja varð í 4. sæti í sínum riðli og áttunda alls, en fyrst varð hin breska Ellie Challis á 53,86 sekúndum.

Sonja mun einnig keppa í 100 metra skriðsundi, á morgun.