Átti ekkert svar við skjótum við­brögðum Gísla

Þetta sýndi okkar maður og sannaði í skemmtilegri viðbragðskeppni við Tobias Reichmann, leikmann Füchse Berlin.

Lið þeirra SC Magdeburg og Füchse Berlin mætast í þýska Ofurbikarnum 31. ágúst næstkomandi sem er fyrsti leikur tímabilsins í þýska handboltanum.

Magdeburg vann tvöfalt á síðustu leiktíð og er því bæði meistari og bikarmeistari. Füchse fær að taka þátt í þessari meistarakeppni þar sem liðið endaði í öðru sæti í þýsku deildinni.

Í tilefni af þessum komandi upphafsleik tímabilsins voru Gísli og Tobias fengnir í smá keppni.

Þar var kannað hvor þeirra var fljótari að bregðast við og taka boltann. Þeir byrjuðu með hendurnar fyrir aftan bak og urðu síðan að vera fljótari að ná í boltann þegar kallið kom.

Gísli fór á kostum í keppninni eins og sjá má hér fyrir neðan.