Alain Delon látinn

Delon varð frægur á tímum uppreisnar franskrar kvikmyndagerðar á sjöunda áratugnu, meðal annars fyrir hlutverk sín í kvikmyndunum Purple Noon, Women Are Weak, Le Samurai og La Pisc­ine.

Delon lést á heimili sínu í Doucy, að því er fram kemur í tilkynningu frá fjölskyldu hans. 

„Hann var meira en kvikmyndastjarna, hann var franskur minnisvarði,“ skrifar Emmanuel Macron Frakklandsforseti um leikarann á X. Í gegnum hlutverk hans hafi Delon fenguð fólk til að dreyma. 

Delon hefur verið lýst sem stjörnu gullaldartímabils franskrar kvikmyndagerðar og fór aðallega með hlutverk sem hörkutól, hvort sem það var í gervi lögreglumanns eða leigumorðingja. Alls lék hann í um 90 myndum.

Á síðari árum varð sjaldgæfara að Delon kæmi fram á hvíta tjaldinu. Heilsu hans hafði hrakað nokkuð á undanförnum árum en erjur innan Delon-fjölskyldunnar síðustu ár hafa vakið athygli fjölmiðla.