Fánaberinn með móts­met í Kópa­vogi

Erna varð á dögunum fyrsta íslenska konan til þess að keppa í kúluvarpi á Ólympíuleikum, og endaði í 20. sæti fyrir framan fullar stúkur á hinum glæsilega Stade de France. Þar kastaði hún lengst 17,39 metra.

Í blíðviðrinu á Kópavogsvelli í dag vann Erna svo öruggan sigur en hún átti þó aðeins tvö gild köst og var lengra kastið 16,66 metrar, sem mun vera mótsmet. Það var rúmum þremur metrum lengra en hjá Irmu Gunnarsdóttur úr FH sem varð í 2. sæti.

Alls keppa átta liðl í Bikarkeppninni í ár en þar af eru tvö lið frá FH. Keppni stendur yfir fram eftir degi en lokagreinarnar eru 1.000 metra boðhlaup karla og kvenna, klukkan 15:30 og 15:40. Hægt er að fylgjast með gangi mála í mótaforriti FRÍ.

Í Bikarkeppninni safna keppendur stigum eftir því hvaða sæti þeir ná í hverri grein. FH-ingar unnu þrefalt í fyrra, það er að segja stigakeppni karla, kvenna og heildarstigakeppnina.