Óli Egils snýr sér að Ladda eftir Bubba Oddur Ævar Gunnarsson skrifar 9. ágúst 2024 20:00 Ólafur Egill og Vala Kristín munu skyggnast inn í kollinn á Ladda í hinni nýju sýningu. Þetta er Laddi! er ný stórsýning eftir Ólaf Egil sem frumsýnd verður í Borgarleikhúsinu í vetur. Í sýningunni hyggst Ólafur Egill í samvinnu við Völu Kristínu Eiríksdóttur skyggnast inn í kollinn á Þórhalli Sigurðssyni, einum ástsælasta listamanni þjóðarinnar. Þetta er meðal þess sem fram kemur í tilkynningu frá Borgarleikhúsinu. Sýningum á síðasta stórverki eftir Ólaf Egil lauk í sumar, söngleiknum Níu líf um Bubba Morthens sem sló öll aðsóknarmet á Íslandi. Nú snýr leikstjórinn og handritshöfundurinn sér að Ladda. Kanna uppruna gamalkunnra persóna Þórhallur Sigurðsson eða Laddi er löngu orðinn þjóðargersemi. Hann hóf ferilinn sem trommari í hljómsveitinni Föxum en sló síðar í gegn sem annar helmingur tvíeykisins Halli og Laddi, ásamt bróður sínum Haraldi Sigurðssyni. Hann hefur skemmt þjóðinni sem leikari, handritshöfundur og söngvari, í skemmtiþáttum, bíómyndum og tónlist. „En hver er maðurinn? Og hvaðan kemur húmorinn sem hefur verið samofinn húmor heillar þjóðar í bráðum hálfa öld?“ er spurt í tilkynningu frá leikhúsinu. Þar segir að uppruni gamalkunnra persóna Ladda verði kannaður, þróun íslensks grín sett undir smásjá og lyklar að manninum sjálfum á bak við grínið dregnir fram. Fyrst og fremst verði hlegið og þakkað fyrir alla gleðina. Fá sjálfan Ladda í sófann Ólafur Egill hefur löngum sótt í íslenskan veruleika og sett upp hverja verðlaunasýninguna á fætur annarri þar sem hann kryfur samtímann og segir sögur þjóðarinnar. Nægir að nefna áðurnefnd Níu líf, Ástu og Ellý sem hann skrifaði ásamt Gísla Erni Garðarsyni og snýr nú aftur á svið í takmarkaðan tíma vegna fjölda áskorana. Verk Völu Kristínar hafa einnig sótt innblástur í íslenskan veruleika en hún er einn af handritshöfundum og leikurum í sjónvarpsþáttunum Venjulegt fólk og gamanþáttunum Þær tvær. Hér fá þau Þórhall Sigurðsson, sjálfan Ladda, í sófann til sín ásamt fremstu gamanleikurum Borgarleikhússins. „Við hlökkum mikið til að setja sögur Ladda á svið,“ segir Ólafur Egill. „Það eru forréttindi að fá að heiðra jafn frábæran listamann og skemmtikraft og ég held við getum lofað magnaðri sýningu, af nógu er að taka, það er víst.“ Menning Leikhús Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Býður Taylor barn Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Halla á Hellisheiði með viðskiptakonum Lífið Tískan við þingsetningu: Hverjir voru í hverju? Tíska og hönnun Finnst hann ekki vera að sparka í liggjandi mann Lífið Gullið tilboð í Amsterdam Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Þetta er meðal þess sem fram kemur í tilkynningu frá Borgarleikhúsinu. Sýningum á síðasta stórverki eftir Ólaf Egil lauk í sumar, söngleiknum Níu líf um Bubba Morthens sem sló öll aðsóknarmet á Íslandi. Nú snýr leikstjórinn og handritshöfundurinn sér að Ladda. Kanna uppruna gamalkunnra persóna Þórhallur Sigurðsson eða Laddi er löngu orðinn þjóðargersemi. Hann hóf ferilinn sem trommari í hljómsveitinni Föxum en sló síðar í gegn sem annar helmingur tvíeykisins Halli og Laddi, ásamt bróður sínum Haraldi Sigurðssyni. Hann hefur skemmt þjóðinni sem leikari, handritshöfundur og söngvari, í skemmtiþáttum, bíómyndum og tónlist. „En hver er maðurinn? Og hvaðan kemur húmorinn sem hefur verið samofinn húmor heillar þjóðar í bráðum hálfa öld?“ er spurt í tilkynningu frá leikhúsinu. Þar segir að uppruni gamalkunnra persóna Ladda verði kannaður, þróun íslensks grín sett undir smásjá og lyklar að manninum sjálfum á bak við grínið dregnir fram. Fyrst og fremst verði hlegið og þakkað fyrir alla gleðina. Fá sjálfan Ladda í sófann Ólafur Egill hefur löngum sótt í íslenskan veruleika og sett upp hverja verðlaunasýninguna á fætur annarri þar sem hann kryfur samtímann og segir sögur þjóðarinnar. Nægir að nefna áðurnefnd Níu líf, Ástu og Ellý sem hann skrifaði ásamt Gísla Erni Garðarsyni og snýr nú aftur á svið í takmarkaðan tíma vegna fjölda áskorana. Verk Völu Kristínar hafa einnig sótt innblástur í íslenskan veruleika en hún er einn af handritshöfundum og leikurum í sjónvarpsþáttunum Venjulegt fólk og gamanþáttunum Þær tvær. Hér fá þau Þórhall Sigurðsson, sjálfan Ladda, í sófann til sín ásamt fremstu gamanleikurum Borgarleikhússins. „Við hlökkum mikið til að setja sögur Ladda á svið,“ segir Ólafur Egill. „Það eru forréttindi að fá að heiðra jafn frábæran listamann og skemmtikraft og ég held við getum lofað magnaðri sýningu, af nógu er að taka, það er víst.“
Menning Leikhús Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Býður Taylor barn Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Halla á Hellisheiði með viðskiptakonum Lífið Tískan við þingsetningu: Hverjir voru í hverju? Tíska og hönnun Finnst hann ekki vera að sparka í liggjandi mann Lífið Gullið tilboð í Amsterdam Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira