Nokkur dauðs­föll eftir að þyrla brot­lenti á svínabúi

Í frétt írska miðilisins RTÉ er mynd birt af aðstæðum á vettvangi slyssins. Þyrlan virðist hafa brotlent á þaki svínabús.

Írsk lögregluyfirvöld fengu tilkynningu um slysið um klukkan hálf fjögur að staðartíma. Um klukkan sex hafi viðbragðsaðilar hafist handa við að færa lík af vettvangi. 

„Allir tiltækir viðbragðsaðilar vinna nú á vettvangi,“ er haft eftir aðalvarðstjóra á svæðinu Pat Hunt. „Það eru nokkur dauðsföll, en aftur, þá getum við ekki staðfest töluna á þessu stigi.“

Rannsóknarnefnd flugslysa vinnur á vettvangi sem stendur. 

Ken Glynn bæjarstjóri Mullingar-Kinnegad-svæðisins segir slysið átakanlegt og sorglegt. Hugur hans sé hjá fjölskyldum hinna látnu. „Þetta eru mjög erfiðar aðstæður fyrir viðbragðsaðila,“ sagði hann við RTÉ.