Um­deild um­mæli, líkur á gosi og truflandi skilti

Í kvöldfréttum Stöðvar 2 verður rætt við Helga Magnús vararíkissaksóknara og einnig þingmann Miðflokksins sem hefur áhyggjur af tjáningarfrelsi í landinu.

Þrjár ungar stúlkur eru látnar eftir stunguárás í borginni Southport í Englandi. Forsætistráðherra segir þjóðina í áfalli en nánar verður fjallað um málið í kvöldfréttum.

Auknar líkur eru taldar á kvikuhlaupi eða eldgosi á næstu dögum og þrýstingur er að byggjast upp undir Svartsengi. Fyrirvarinn gæti orðið skammur og við ræðum við Þorvald Þórðarson eldfjallafræðing í beinni um stöðuna.

Þá heyrum við einnig í þeim sem sjá um viðgerðir á hringveginum eftir hlaupið í Mýrdalsjökli, heyrum í Vegagerðinni um truflandi ljósaskilti, tökum stöðuna á lögreglunni í Vestmannaeyjum fyrir þjóðhátíð og kíkjum á eina elstu og minnstu rakarastofu landsins.

Í Sportpakkanum verður farið yfir gengi Íslendinga á Ólympíuleikunum tap Breiðabliks í Kósóvó í dag.