Hinn 29 ára gamli Peaty var tveimur hundraðshlutum úr sekúndu frá því að vinna þriðju gullverðlaunin í röð. Að sundinu loknu sagðist Peaty vera heldur slappur og „með eitthvað í hálsinum.“
Í yfirlýsingu frá breska teyminu fyrr í dag segir að ástand hans hafi versnað til muna í nótt og nú hefur hann verið greindur með kórónuveiruna.
Ólíkt Ólympíuleikunum í Tókýó fyrir fjórum árum þá er ekkert regluverk sem gæti komið í veg fyrir að Peaty haldi áfram keppni á leikunum. Hann er hluti af boðsundssveit Bretlands og vonast til að geta keppt í þeirri grein þegar þar að kemur.
„Eins og með öll önnur veikindi þá er tekið á þeim á viðeigandi hátt til að koma í veg fyrir að þau dreifi úr sér innan hópsins,“ sagði einnig í yfirlýsingu breska teymisins.
