Michael Olise mættur til læknis­skoðunar hjá Bayern München

Olise er 22 ára vængmaður sem steig sín fyrstu skref hjá Reading en hefur verið leikmaður Crystal Palace síðan 2021.

Eftir að Oliver Glasner tók við og umbreytti liðinu á nýafstöðnu tímabili spilaði Olise nítján leiki, skoraði tíu mörk og gaf sex stoðsendingar.

Bayern München er sagt borga sextíu milljónir punda og félagaskiptin munu ganga í gegn mjög fljótlega, ef ekkert kemur upp í læknisskoðuninni.

Chelsea sýndi honum mikinn áhuga og bauð sambærilega upphæð en Olise kaus að fara frekar til Þýskalands og spila undir stjórn Vincent Kompany.