Afar fátt var um færi en nóg um fólsku, liðin skildu jöfn eftir venjulegan leiktíma og Úrúgvæ manni færri frá 74. mínútu þegar Nahitan Nández fékk að líta beint rautt spjald. Dómarinn gaf upphaflega gult en ákvörðuninni var breytt af myndbandsdómara.
Nahitan Nandez received a red card for this foul on Rodrygo 😳
— ESPN FC (@ESPNFC) July 7, 2024
Uruguay down to 10 men. pic.twitter.com/b5OEkMf2IZ
Framlenging dugði ekki heldur til að skilja liðin að og því var farið í vítaspyrnukeppni.
Éder Militao lét verja frá sér í fyrsta víti Brasilíu, Douglas Luiz hitti svo ekki á rammann í þriðja vítinu. Úrúgvæarnir skoruðu úr fyrstu þremur spyrnum sínum áður en markmaður Brasilíu varði eina.
Spennan var því gríðarleg þegar Manuel Ugarte steig síðastur á punktinn fyrir Úrúgvæ, sendi markmanninn í rangt horn og tryggði sigurinn.
Mæta Kólumbíu í undanúrslitum
Kólumbía vann 5-0 stórsigur gegn Panama í hinum átta liða úrslitaleiknum. Jhon Córdoba, James Rodriguez, Luis Díaz, Richard Ríos og Miguel Borja með mörkin og Bandaríkjabanarnir úr leik.
🇨🇴 One goal and two assists tonight for James Rodriguez, first player ever to contribute to three goals in the first half of one single Copa América game.
— Fabrizio Romano (@FabrizioRomano) July 6, 2024
1 goal, 5 assists so far in Copa América for James.
Colombia, on fire. ✨ pic.twitter.com/6tUGf1WLS9
