Al­var­legar auka­verkanir af brúnkunefspreyjum og brott­vísun Yazans Tamimi

Í kvöldfréttum tökum við einnig fyrir svokölluð brúnku-nefsprey. Alvarlegum aukaverkunum hefur verið lýst í kjölfar notkunar á spreyjunum, sem fullyrt er í auglýsingum hér á landi að auki og viðhaldi sólbrúnku. Neytendastofa hyggst taka málið til skoðunar.

Þá tökum við stöðuna á æsispennandi og líklega sögulegum kosningum í Frakklandi sem haldnar verða á morgun - og tökum púlsinn á áhyggjufullum kjósendum í Bandaríkjunum sem líst illa á forsetaframbjóðendur þar í landi eftir kappræðurnar í fyrrinótt.

Formaður foreldrafélags leikskóla á Selfossi segir það sjálfsagða kröfu að börn í Árborg fái næringarríkan mat. Mikið sé um unnar kjötvörur í leikskólum og skólum sveitarfélagsins, sem hafi slæm áhrif á börnin. Nýjasti bæjarfulltrúi meirihlutans segist ætla að fylgja málinu fast eftir. Þá verðum við í beinni frá undirbúningi Landsmóts hestamanna og Magnús Hlynur heimsækir afkastamikinn heklara í Hafnarfirði.