Ólga í Öxarfirði vegna lokunar sundlaugar Kristján Már Unnarsson skrifar 19. júní 2024 13:33 Sundlaugin að Lundi í Öxarfirði. Einar Árnason Ólga er meðal íbúa í Öxarfirði og Kelduhverfi vegna þeirrar ákvörðunar byggðaráðs Norðurþings að loka sundlauginni í Lundi. Aðilar í ferðaþjónustu í héraðinu lýsa einnig megnri óánægju sinni. Sundlaugin er aðeins sjö kílómetra frá Ásbyrgi og hefur verið vinsæl meðal ferðafólks sem sækir heim náttúruperlur Jökulsárgljúfra. Í samþykkt byggðaráðs Norðurþings frá 23. maí síðastliðnum segir að ekki sé forsvaranlegt að ráðast í frekara viðhald sundlaugarinnar að svo stöddu. Ráðið fól jafnframt sveitarstjóra að fá uppfærða kostnaðaráætlun vegna byggingar á nýrri sundlaug í Lundi. Lokun sundlaugarinnar þýðir að stórt gap skapast í sundlaugakeðju norðausturhorns landsins. Þannig eru 63 kílómetrar frá Lundi í næstu sundlaug á Raufarhöfn og 68 kílómetrar frá Lundi í sundlaugina á Húsavík. Vegalengd milli sundlauga innan sveitarfélagsins Norðurþings verður þannig 130 kílómetrar. Vilji gestir á tjaldstæðinu í Ásbyrgi komast í sund í sumar þurfa þeir að aka 62 kílómetra leið til Húsavíkur í næstu laug í stað nokkurra mínútna skreppitúrs að Lundi. Sundlaugin er lítil sveitalaug með einum heitum potti.Einar Árnason Í skriflegu svari til Vikublaðsins á Norðurlandi segir Katrín Sigurjónsdóttir, sveitarstjóri Norðurþings, að gerðar hafi verið athugasemdir við ástand laugar og búnaðar. Ákvörðun hafi því verið tekin um að hafa sundlaugina ekki opna í sumar. Erfitt sé að fá varahluti í hreinsikerfið. Það, lagnakerfið og laugarkarið sé allt komið á tíma og nauðsynlegt sé að huga að heildstæðri endurnýjun. Þá segir Katrín að unnið sé að uppfærslu kostnaðaráætlunar fyrir nýtt mannvirki. Kveðst hún vona að hún liggi fyrir við gerð fjárhagsáætlunar í haust svo hægt verði að taka ákvörðun í málinu. Brynjar Þór Vigfússon og Guðrún Lilja Dam Guðrúnardóttir eru ullarbændur að Gilhaga í Öxarfirði. Myndin er úr þættinum Um land allt.Einar Árnason Vikublaðið hefur eftir Brynjari Þór Vigfússyni, ullarbónda í Gilhaga, að íbúum í Öxarfirði og Kelduhverfi finnist þeir vera annars flokks innan sveitarfélagsins Norðurþings. Lengi hafi verið kallað eftir fjármagni í viðhald á sundlauginni en það hafi alltaf setið á hakanum. „Við höfum bent á það í hverfisráði að þetta sé mikilvægt fyrir ferðaþjónustuna. Ferðamenn sem gista í Ásbyrgi gera margir ráð fyrir því að komast í sundlaugina,” segir Brynjar Þór við Vikublaðið. Rúnar Tryggvason, ferðaþjónustubóndi á Hóli í Kelduhverfi, gagnrýnir sveitarstjórn Norðurþings sömuleiðis í opnu bréfi í Vikublaðinu en höfuðstöðvar sveitarfélagsins eru á Húsavík. „Allt í kringum þessi sundlaugarmál fær fólk því miður til að upplifa algjört áhuga- og metnaðarleysi ráðamanna á svæðinu austan Tjörness,” segir Rúnar. Hrund Ásgeirsdóttir og Rúnar Tryggvason á bænum Hóli reka ferðaþjónustu í Kelduhverfi.Einar Árnason „Hvers eigum við að gjalda sem erum að reyna að byggja upp einhverja ferðaþjónustu á svæðinu þegar þeir innviðir sem eru fyrir hendi fást ekki notaðir samanber nýjan Dettifossveg yfir veturinn og sundlaugina í Lundi á sumrin? Við erum í héraði sem státar af þjóðgarði og einni helstu náttúruperlu landsins, vinsælli göngu- og hlaupaleið niður með Jökulsánni og Þingeyjarsýslur eru rómaðar af hestafólki fyrir reiðleiðir og útreiðarsvæði. Það er talið í þúsundum fólkið sem kemur til að njóta kosta svæðisins og nú getum við ekki einu sinni boðið gestum okkar í sturtu eða þægilega busllaug í sumar af því er virðist vegna þess að sveitarfélagið treystir sér ekki til að auglýsa eftir starfsfólki,” segir Rúnar Tryggvason í opnu bréfi sínu til sveitarstjórnar Norðurþings með þessum lokaorðum: „Hafið skömm fyrir!” Öxarfjörður og Kelduhverfi voru heimsótt í þættinum Um land allt árið 2021. Hér má sjá kafla úr þættinum: Norðurþing Sundlaugar Ferðamennska á Íslandi Ferðalög Byggðamál Vatnajökulsþjóðgarður Um land allt Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Norðmenn uggandi vegna mögulegra viðbragða Trump Erlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Tókst ekki að sanna að Brim bæri ábyrgð á dauða sonar þeirra Innlent Nóbelsnefndin hafi valið pólitík fram yfir frið Erlent Fjöldi látinn eftir að verksmiðja sprakk í loft upp Innlent Þarf að una áminningu í máli móður í forsjárdeilu Innlent Venesúelskur stjórnarandstæðingur hlaut friðarverðlaun Nóbels Erlent Magga Stína í flugi á leið til Istanbúl Innlent Gummi reiður: „Kominn tími til að þeir sem ráða opni augun“ Innlent Fleiri fréttir Fékk sýn og vakti heimsathygli Vísað út af bókasafni fyrir að drekka inni á salerni Enginn njósni um barnaafmæli borgarinnar Þarf að una áminningu í máli móður í forsjárdeilu Fjöldi látinn eftir að verksmiðja sprakk í loft upp Múhameð fær blessun mannanafnanefndar Samfylkingin með mesta fylgi allra flokka Skipaður í embætti skólameistara Framhaldsskólans í Mosó Sigurbjörg skipuð forstjóri Ráðgjafar- og greiningarstöðvar „Sorglegt“ ef börnin lesa ekki Laxness og Íslendingasögur Fyrstu skref til friðar á Gasa tekin og Friðarverðlaunin fara til Venesúela Leggja til tæplega 44 þúsund tonna loðnukvóta Grínaðist með Möggu Stínu: „Fyrsta líflátshótunin kom 18 mínútum seinna“ Magga Stína í flugi á leið til Istanbúl Bein útsending: Árleg friðarráðstefna Höfða Bein útsending: Athafnaborgin Reykjavík kynnt frá ólíkum hliðum Ætlaði ekki að trúa því að sonurinn hefði sjálfur staðið upp úr bílnum Tókst ekki að sanna að Brim bæri ábyrgð á dauða sonar þeirra Brotthvarf Laxness: „Ekkert sem kemur í staðinn fyrir að vera einn í sínum heimi með bók“ Þakklát Möggu Stínu og segir vopnahlé ljósið við enda ganganna Gummi reiður: „Kominn tími til að þeir sem ráða opni augun“ Söguleg stund Ekki sjálfsvörn að berja með steypuklumpi í höfuðið Laxnessleysið skandall eða stormur í vatnsglasi? Vegagerðin sannfærð um kosti brúar umfram göng Tólf eldislaxar fundust í sex ám Rannsaka hvort bílstjórinn hafi dottað Bein útsending: Dagur landbúnaðarins „Alls ekki og engan veginn“ sé hægt að hagga ESB Selta olli rafmagnsleysi á Suðurlandi Sjá meira
Í samþykkt byggðaráðs Norðurþings frá 23. maí síðastliðnum segir að ekki sé forsvaranlegt að ráðast í frekara viðhald sundlaugarinnar að svo stöddu. Ráðið fól jafnframt sveitarstjóra að fá uppfærða kostnaðaráætlun vegna byggingar á nýrri sundlaug í Lundi. Lokun sundlaugarinnar þýðir að stórt gap skapast í sundlaugakeðju norðausturhorns landsins. Þannig eru 63 kílómetrar frá Lundi í næstu sundlaug á Raufarhöfn og 68 kílómetrar frá Lundi í sundlaugina á Húsavík. Vegalengd milli sundlauga innan sveitarfélagsins Norðurþings verður þannig 130 kílómetrar. Vilji gestir á tjaldstæðinu í Ásbyrgi komast í sund í sumar þurfa þeir að aka 62 kílómetra leið til Húsavíkur í næstu laug í stað nokkurra mínútna skreppitúrs að Lundi. Sundlaugin er lítil sveitalaug með einum heitum potti.Einar Árnason Í skriflegu svari til Vikublaðsins á Norðurlandi segir Katrín Sigurjónsdóttir, sveitarstjóri Norðurþings, að gerðar hafi verið athugasemdir við ástand laugar og búnaðar. Ákvörðun hafi því verið tekin um að hafa sundlaugina ekki opna í sumar. Erfitt sé að fá varahluti í hreinsikerfið. Það, lagnakerfið og laugarkarið sé allt komið á tíma og nauðsynlegt sé að huga að heildstæðri endurnýjun. Þá segir Katrín að unnið sé að uppfærslu kostnaðaráætlunar fyrir nýtt mannvirki. Kveðst hún vona að hún liggi fyrir við gerð fjárhagsáætlunar í haust svo hægt verði að taka ákvörðun í málinu. Brynjar Þór Vigfússon og Guðrún Lilja Dam Guðrúnardóttir eru ullarbændur að Gilhaga í Öxarfirði. Myndin er úr þættinum Um land allt.Einar Árnason Vikublaðið hefur eftir Brynjari Þór Vigfússyni, ullarbónda í Gilhaga, að íbúum í Öxarfirði og Kelduhverfi finnist þeir vera annars flokks innan sveitarfélagsins Norðurþings. Lengi hafi verið kallað eftir fjármagni í viðhald á sundlauginni en það hafi alltaf setið á hakanum. „Við höfum bent á það í hverfisráði að þetta sé mikilvægt fyrir ferðaþjónustuna. Ferðamenn sem gista í Ásbyrgi gera margir ráð fyrir því að komast í sundlaugina,” segir Brynjar Þór við Vikublaðið. Rúnar Tryggvason, ferðaþjónustubóndi á Hóli í Kelduhverfi, gagnrýnir sveitarstjórn Norðurþings sömuleiðis í opnu bréfi í Vikublaðinu en höfuðstöðvar sveitarfélagsins eru á Húsavík. „Allt í kringum þessi sundlaugarmál fær fólk því miður til að upplifa algjört áhuga- og metnaðarleysi ráðamanna á svæðinu austan Tjörness,” segir Rúnar. Hrund Ásgeirsdóttir og Rúnar Tryggvason á bænum Hóli reka ferðaþjónustu í Kelduhverfi.Einar Árnason „Hvers eigum við að gjalda sem erum að reyna að byggja upp einhverja ferðaþjónustu á svæðinu þegar þeir innviðir sem eru fyrir hendi fást ekki notaðir samanber nýjan Dettifossveg yfir veturinn og sundlaugina í Lundi á sumrin? Við erum í héraði sem státar af þjóðgarði og einni helstu náttúruperlu landsins, vinsælli göngu- og hlaupaleið niður með Jökulsánni og Þingeyjarsýslur eru rómaðar af hestafólki fyrir reiðleiðir og útreiðarsvæði. Það er talið í þúsundum fólkið sem kemur til að njóta kosta svæðisins og nú getum við ekki einu sinni boðið gestum okkar í sturtu eða þægilega busllaug í sumar af því er virðist vegna þess að sveitarfélagið treystir sér ekki til að auglýsa eftir starfsfólki,” segir Rúnar Tryggvason í opnu bréfi sínu til sveitarstjórnar Norðurþings með þessum lokaorðum: „Hafið skömm fyrir!” Öxarfjörður og Kelduhverfi voru heimsótt í þættinum Um land allt árið 2021. Hér má sjá kafla úr þættinum:
Norðurþing Sundlaugar Ferðamennska á Íslandi Ferðalög Byggðamál Vatnajökulsþjóðgarður Um land allt Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Norðmenn uggandi vegna mögulegra viðbragða Trump Erlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Tókst ekki að sanna að Brim bæri ábyrgð á dauða sonar þeirra Innlent Nóbelsnefndin hafi valið pólitík fram yfir frið Erlent Fjöldi látinn eftir að verksmiðja sprakk í loft upp Innlent Þarf að una áminningu í máli móður í forsjárdeilu Innlent Venesúelskur stjórnarandstæðingur hlaut friðarverðlaun Nóbels Erlent Magga Stína í flugi á leið til Istanbúl Innlent Gummi reiður: „Kominn tími til að þeir sem ráða opni augun“ Innlent Fleiri fréttir Fékk sýn og vakti heimsathygli Vísað út af bókasafni fyrir að drekka inni á salerni Enginn njósni um barnaafmæli borgarinnar Þarf að una áminningu í máli móður í forsjárdeilu Fjöldi látinn eftir að verksmiðja sprakk í loft upp Múhameð fær blessun mannanafnanefndar Samfylkingin með mesta fylgi allra flokka Skipaður í embætti skólameistara Framhaldsskólans í Mosó Sigurbjörg skipuð forstjóri Ráðgjafar- og greiningarstöðvar „Sorglegt“ ef börnin lesa ekki Laxness og Íslendingasögur Fyrstu skref til friðar á Gasa tekin og Friðarverðlaunin fara til Venesúela Leggja til tæplega 44 þúsund tonna loðnukvóta Grínaðist með Möggu Stínu: „Fyrsta líflátshótunin kom 18 mínútum seinna“ Magga Stína í flugi á leið til Istanbúl Bein útsending: Árleg friðarráðstefna Höfða Bein útsending: Athafnaborgin Reykjavík kynnt frá ólíkum hliðum Ætlaði ekki að trúa því að sonurinn hefði sjálfur staðið upp úr bílnum Tókst ekki að sanna að Brim bæri ábyrgð á dauða sonar þeirra Brotthvarf Laxness: „Ekkert sem kemur í staðinn fyrir að vera einn í sínum heimi með bók“ Þakklát Möggu Stínu og segir vopnahlé ljósið við enda ganganna Gummi reiður: „Kominn tími til að þeir sem ráða opni augun“ Söguleg stund Ekki sjálfsvörn að berja með steypuklumpi í höfuðið Laxnessleysið skandall eða stormur í vatnsglasi? Vegagerðin sannfærð um kosti brúar umfram göng Tólf eldislaxar fundust í sex ám Rannsaka hvort bílstjórinn hafi dottað Bein útsending: Dagur landbúnaðarins „Alls ekki og engan veginn“ sé hægt að hagga ESB Selta olli rafmagnsleysi á Suðurlandi Sjá meira