Innlent

Elsta skip Sam­herja kveður Dal­vík og heldur til Spánar

Jón Ísak Ragnarsson skrifar
Björgvin EA 331 lagði af stað frá Dalvík til Spánar í gær. Siglingin tekur um sex sólarhringa.
Björgvin EA 331 lagði af stað frá Dalvík til Spánar í gær. Siglingin tekur um sex sólarhringa. Samherji/Þorgeir Baldursson

Ísfisktogarinn Björgvin EA 311 lagði af stað frá Dalvík til Vigo á Spáni um miðjan dag í gær og kvöddu margir bæjarbúar þetta fengsæla skip og fylgdust með þegar landfestum var sleppt í síðasta sinn, heimahöfn Björgvins EA.

Þetta kemur fram í tilkynningu frá Samherja.

Nokkrir í áhöfn Björgvins EA taka þátt í siglingunni til Vigo, ásamt tveimur Spánverjum. Skipstjóri á siglingunni er Björn Már Björnsson og fyrsti stýrimaður er Brynjólfur Oddsson.

Björgvin EA var elsta skipið í flota Samherja, smíðað í Noregi árið 1988 og hefur alla tíð reynst mjög vel, segir í tilkynningu Samherja. Áhöfnin hafi umgengist skipið á sérstaklega vandaðan hátt og alla tíð hefur viðhald verið með ágætum.

Félagarnir Leifur Björnsson og Hartmann Kristjánsson sáu um að leysa landfestar í hinsta sinn. Þeir voru báðir í áhöfn Björgvins EA í liðlega tuttugu ár.Samherji/Þorgeir Baldursson
Landgangurinn hífður um borðSamherji/Þorgeir Baldursson
Dalvíkurbyggð Sjávarútvegur

Mest lesið


Fleiri fréttir

Sjá meira


×

Mest lesið