Engin hóp­upp­sögn í apríl

Frá þessu segir á vef Vinnumálastofnunar. Þetta er annar mánuðurinn í röð þar sem ekki er tilkynnt um hópuppsögn til stofnunarinnar, en ekki var heldur tilkynnt um hópuppsögn í mars.

Fannar Jónasson, bæjarstjóri Grindavíkurbæjar, greindi frá því í vikunni að framundan væru stórfelldar uppsagnir hjá sveitarfélaginu þar sem um 150 manns yrði sagt upp.

Tilkynnt var um eina hópuppsögn í febrúar en þar var fjórtán starfsmönnum Keilis sagt upp eftir að samkomulag náðist um að Fjölbrautaskóli Suðurnesja tæki yfir hluta af starfsemi Keilis. Í janúar barst Vinnumálastofnun ein tilkynning um hópuppsögn þegar 47 var sagt upp hjá Stakkavík í Grindavík.

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10 prósent starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.